VI Elat bayramına hazırlıqlar başlandı

“Borçalı” ictimai birliyi cümə günü BMM-də VI Elat bayramına hazırlıqla bağlı mətbuat konfransı keçirib.

Cəmiyyət “Elat” bayarmını avqustun 2-dən etibarən Dmanisi rayonunun Armudlu kəndində təşkil etməyi nəzərdə tutur. Bununla bağlı türk dünyasının hər tərəfindən türklərin Gürcüstana axışması gözlənilir. Bu bayramın əsas xüsusiyyəti kimi Azərbaycan türk mədəniyyətinin Gürcüstan cəmiyyətinə tanıdılması, bu mədəniyyətin dərkinə yol açılması göstərilir.

Eyni zamanda qeyd edilib ki, qurum nə qədər saf bə pak niyyətlə xidmət göstrəsə də, quruma qarşı şantaja qədər əl atanlar olub. Amma bütün bunlara baxmayaraq, istər Gürcüstan, istər Azərbaycan tərəfdə əksər qüvvələr “Elat” bayramına münasibətdə vahid mövqe ifadə ediblər. Gürcüstan və Azərbaycann Qafqazda vahid güc mərkəzinə çevirlməsi həm də nəticə etibarilə Qafqazın xilası modeli kimi dəyərləndirilib.

Qurum rəhbəri Zəlimxan Məmmədli “Borçalı” cəmiyyətinin Azərbaycanda Gürcüstan diasporunun təmsilçisi kimi qeydə alınması üçün rəsmi Tbilisiyə məktubla müraciət etdiyini bildirib. “Biz məram və xoş məqsədimizi ortaya qoyduq, bundan sonrası sizlərə aiddir”, - deyə Z.Məmmədli qeyd edib.

Daha sonra icma rəhbəri Azərbaycan, həm də Gürcüstan siyasi rəhbərliyinə müraciət edərək, VI Elat bayarmında iştiraka dəvət edib. Son olaraq qurum hazırladığı bu mötəbər tədbirdə büün tərəflərdə olan vətənpərvər qüvvələri bayramda iştiraka dəvət edirlər.

Elat bayarmına hazırlıq ərəfəsində Borçalı cəmiyyəti ölkənin 5-6 jurnalistini Borçalı türklərinin durumuna daim diqqətli olduqlarına görə mükafata layiq görüb. -05C-