![Müsavat Partiyası: Fərəc Kərimli haqqında indiyədək məlumat yoxdur](https://turan.az/resized/media/2014/main/072500085245-750-500-resize.webp)
Müsavat Partiyası: Fərəc Kərimli haqqında indiyədək məlumat yoxdur
Müsavat Partiyası Müsavatçı Gənclər Təşkilatının NTK-nın sədri, bloger F.Kərimovun həyatından narahatdır.
Partiyanın Turan-a daxil olan bəyanatında deyilir ki, Hepatit – C virusu daşıyan F. Kərimov mövcud qanunlara zidd olaraq, 48 saatdan artıqdır ki, ailəsindən və cəmiyyətdən gizli saxlanılır.
“Onun haqqında hansı qərarın qəbul olunduğu və harada saxlandığı barədə informasiya verilmir ki, bu da qanunların ciddi şəkildə pozulmasıdır”, deyə bəyanatda vuğulanır.
Fərəc Kərimovun səhhətinin təhlükədə olduğunu bəyan edən Müsavat Partiyası qanunsuz və əsassız olaraq həbs edilmiş Fərəc Kərimovun və onun qardaşı Sirac Kərimovun qeyri-şərtsiz olaraq dərhal həbsdən azad edilməsini tələb edir.
Müsavat Partiyasının Müsavatçı Gənclər Təşkilatının NTK-nın sədri, bloger, musavat.org.az saytının adminstiratoru Fərəc Kərimov 23 iyul 2014-cü il tarixində Bakı sağlamlıq mərkəzinin reanimasiya şöbəsinin qabağından mülki geyimli şəxslər tərəfindən heç bir sənəd təqdim edilmədən, ona hüquq və vəzifələri elan edilmədən qeyri-müəyyən istiqamətdə aparıldığı haqqında KİV-də informasiyalar yayılıb.
Həmin gün Daxili İşlər Nazirliyinin yaymış olduğu rəsmi məlumatda Fərəc Kərimovun polislər tərəfindən saxlanıldığı, saxlanılan zaman üzərində narkotik maddənini tapıldığı və saxlanma səbəbi kimi onun internetdə psixotrop maddələrin təbliğatını apardığı qeyd olunub.
Bu məlumatdan sonra F.Kərimovun ailə üzvləri, vəkili və üzvü olduğu partiyanın rəsmiləri onun harada saxlanılması haqqında heç bir məlumat ala bilmir. -16D-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz