Xədicə İsmayılova 2500 manat cəriməni ödəməkdən azad edilib
Jurnalist Xədicə İsmayılova keçmiş müxalifətçi Elman Həsənovun ona qarşı iddiası ilə bağlı iş üzrə amnistiyaya düşüb. O 2500 manat (1640 dollar) həcmində cəriməni ödəməkdən azad edilib.
Xatırladaq ki, E.Həsənov hüquq-mühafizə orqanlarınn “tövsiyəsi ilə” (özü etiraf edib) iddia qaldıraraq X.İsmayılovanın ona böhtan atdığını bildirmişdi. Bu, onun Milli Təhlükəsizlik Nazirliyinin agenti olması barədə sənədin dərcində özünü göstərmişdi. Lakin jurnalistin dərc etdirdiyi sənəddə Həsənovun adı çəkilmir. Belə sənəd iki il öncə sosial şəbəkələrdə yayılıb və keçmiş MTN zabiti, hazırda siyasi mühacir olan Ramin Nağıyev tərəfindən dərc edilib. Bununla belə, 2015-ci il fevralın 23-də Binəqədi məhkəməsi jurnalisti cərimələyib. O vaxta qədər X.İsmayılova artıq başqa ittihamla həbsdə olub. O 7,5 il müddətinə azadlıqdan məhrum edilib. Lakin mayın 25-də Ali Məhkəmə onun real həbs müddətini şərti cəza ilə əvəzləyib.
İyunun 21-də Binəqədi Rayon Məhkəməsinin məhkəmə qərarlarının icrası şöbəsində X.İsmayılovanın amnistiyaya düşməsi barədə sənədi ona təqdim ediblər. Bu barədə jurnalist özü Facebook səhifəsində yazıb.
Buna baxmayaraq, jurnalist bəraət almaq niyyətindədir və kassasiya şikayətinə iyunun 28-də Ali Məhkəmədə baxılacaq.
Eyni zamanda başqa iş üzrə şərti cəza ilə əlaqədar onun hüquqları məhdudlaşdırılıb və əsasən xarici səfərlərə gedə bilməz.—06D--
-
- İqtisadiyyat
- 21 İyun 2016 19:42
-
- İqtisadiyyat
- 22 İyun 2016 10:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz