Prezident Nardaran əhalisinin elektrik enerjisinə olan borcunu silib
Prezident İlham Əliyevin göstərişi ilə Nardaran əhalisinin 42 mln. manatdan çox borcu silinib. Bu barədə o, bu gün Maştağa-Bilgəh avtomobil yolunun əsaslı təmirdən sonra açılışı mərasimində bildirib və əhalini bir daha belə hallara yol verməməyə çağırıb.
Turan agentliyi 2015-ci il noyabrın 28-də sözügedən borc mövzusunda məqalə dərc etmişdi və təkcə Nardarana yox, ümumilikdə ölkəyə aid olan məsələnin aktuallığı baxımından həmin məqaləni yenidən dərc etmək qərarına gəlib.
Nardaran sakinlərinin 117 illik işıq pulu borcu var
Ötən gün Nardaranda bir qrup dindarla polis qüvvələri arasında baş verən, iki polis işçisinin və beş nəfər yerli sakinin ölümü ilə nəticələnən toqquşmadan sonra qəsəbədə elektrik enerjisi tamamən kəsilib. 9 mindən çox əhalisi olan Bakı kəndi zülmətə bürünüb.
"Azərişıq” ASC məlumat yayıb ki, elektrik enerjisi Nardaran sakinlərinin işığa olan borcuna görə kəsilib. Açıqlanan məbləğ 42 mln. 267 min manat təşkil edir. Elektrik enerjisi təchizatı haqqında qanun borcu olmayan abonentlərin işığının kəsilməsini qadağan edir. “Azərişıq”ın məlumatına görə, Nardaranda belə abonentlər var.
Ən acınacaqlısı odur ki, “Azərişıq”ın açıqladığı rəqəmlər ciddi şübhə doğurur. Bunu dövlət statistik göstəricilərin müqayisəli təhlili göstərir. Statistik məlumatlara görə, Azərbaycanda adambaşına elektrik enerjisi istehlakı ildə 1705 kVt və ya 102 manat (1705 kVt Х 6 qəpik = 102 manat) təşkil edir. 9 mln. 583 min nəfərin istehlak etdiyi elektrik enerjisi pul ifadəsində 997 mln. 446 min manat təşkil edir.
Nardaranın 9300 nəfər əhalisi var və ümumi statistik məlumatlara görə, ildə orta hesabla 848.000 manat (9300 Х 102) məbləğində elektrik enerjisi istehlak edir.
Beləliklə, 2007-2015-ci illərdə nardaranlılar 8 mln. 532 min manat məbləğində elektrik enerjisi istehlak ediblər.
2007-ci ilədək Azərbaycanda elektrik enerjisi üç dəfə ucuz olub – 1 kVt-a görə 2 qəpik. O zaman Nardaranın payına ildə 306.900 manat düşüb.
Nardaranlıların borc strukturundakı 42 mln. 267 min manatdan 2007-2015-ci illərin payına 8 mln. 532 manat, 2007-ci ilədək olan dövrün payına 33 mln. 735 min manat düşüb.
Əgər 33 mln. 735 min manatı 306 min 900 manata (illik istehlak) bölsək belə alınır ki, nardaranlılar 2007-ci ilədək olan dövrdə 109 il ərzində işıq pulu ödəməyiblər. Və son 8 ilin borcunu da buraya əlavə etsək ödənilməyən ümumi müddət 117 il edir.
Çox qəribədir, bəs onlar çar, Kerenski, komissarlar, müsavatçılar, sovetlər və ölkənin müstəqilliyi dövründə işıq pulu ödəmədən necə yaşayıblar? Məətəl qalmalı işdir.—0--
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz