Bakı/17.10.18/Turan: Badamdar qəsəbəsində sürüşmə zonasında gərginlik davam edir, güclü yağışı isə sürüşmə və uçqunları sürətləndirə bilər. Bu barədə Ekologiya Nazirliyinin Geoloji Kəşfiyyat Xidmətinin nümayəndəsi Əziz Qaralov bildirib.
"Ümumilikdə gərginlik davam edir. Yağış sürüşmənin intensivləşməsinə təsir edə bilər. Hazırda hər-hansı geoloji araşdırma işləri qeyri-mümkündür. Yalnız proses tamamilə sabitləşdikdən sonra hər-hansı rəy vermək olar", deyə Qaralov çərşənbə günü səhər bildirib.
Onun sözlərinə görə, ilk iş olaraq kanalizasiya xətti qaydaya salınmalıdır. Çünki indi proses sabitləşsə də, 3-5 il sonra problem təkrarlanacaq.
Xatırladaq ki, sürüşmə oktyabrın 10-da "20-ci Sahə" və Badamdar qəsəbəsi arasındakı ərazidə başlayaraq, dağ yamacında yüz metrlərlə ərazisi əhatə edib. 11 evin sakini təxliyə edilib. Ərazidə qaz, su və elektrik enerjisi verilməsi dayandırılıb.
Mütəxəssislər hesab edirlər ki, sürüşmənin fəallaşmasına qanunsuz intizamsın tikinti və kanalizasiyanın olmaması səbəb olub. -05B06-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz