Yaponiya səfirliyi “İnsan inkişafı və təhlükəsizlik” proqramı çərçivəsində Azərbaycanın Oğuz rayonunun Bucaq kəndində tibb məntəqəsinin tikintisi üçün qrant təqdim edib.
Qrant sazişi fevralın 6-da saat 12.30-da Oğuzda Yaponiyanın Azərbaycandakı səfiri Tsuquo Takaşininin iştirakı ilə imzalanacaq.
Sazişi səfir Takaşini və layihəni həyata keçirəcək “Yaddaş” QHT-nin rəhbəri İlqar İlyaslı imzalayacaqlar.
Bucaq və daha üç qonşu kəndin sakinləri üçün tibb məntəqəsinin tikintisi 121 121 dollara başa gələcək.
Bir müddət əvvəl Yaponiya səfirliyi Oğuzda daha iki layihəni – Padar və Əmiqanlı kəndinin su təchizatının yaxşılaşdırılması və Yaqublu kəndində tibb məntəqəsinin tikintisi layihəsini maliyyələşdirib.
Bucaq kəndində yeni layihəni də nəzərə alsaq, Yaponiya səfirliyi Oğuz rayonunda layihələrə ümumilikdə 269.148 dollar qrant ayırıb.
Ümumilikdə Yaponiya hökuməti “İnsan inkişafı və təhlükəsizlik” proqramı çərçivəsində Azərbaycanda ümumi dəyəri 14 821 336 dollar olan 179 layihəni dəstəkləyib.
Yaponiyanın iqtisadi infrastrukturun yaxşılaşdırılması, kənd təsərrüfatının inkişafı, sosial sahə, mədəniyyət üçün Azərbaycana maliyyə yardımının ümumi məbləği isə 1 mlrd. dollardan çoxdur. -06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz