Bakı/09.10.19/Turan: Oktyabrın 10-da Lənkəran Ağır Cinayətlər Məhkəməsində hakim İlkin Abdullayevin sədrliyi ilə Yardımlı rayon sakini Bəhruz İsgəndərovun öldürülməsi işi üzrə məhkəmə prosesi keçiriləcək.
Cinayət bu il fevralın 23-də törədilib. Bir qrup silahlı şəxs Ləzərən kəndinə gələrək B.İsgəndərova 9 yaşlı oğlunun gözləri qarşısında çoxsaylı bıçaq xəsarəti yetirməklə onu öldürüb.
Digər kənd sakinləri Pərviz və Tərlan İsgəndərovlar, İbrahim Mirzəyev yaralanıblar. Sonra münaqişə edən şəxslər B.İsgəndərovun beş azyaşlı uşağının olduğu evə hücum ediblər. Hadisə böyük rezonans doğurub.
Ləzəran kəndinin 71 sakini prezident İlham Əliyevə və baş prokuror Zakir Qaralova müraciət edərək cinayət törədənlərdən heç kimin saxlanmamasından şikayətləniblər.
Martın 5-də DİN və Baş Prokurorluq CM-nin 120.1-ci maddəsi (qəsdən adam öldürmək) ilə cinayət işi qaldırdığını bildirdi. Hücum edənlərdən biri Teymur Hüseynov saxlanılaraq qabaqcadan əlbir olmaq maddəsi (CM-in 120.1-ci maddəsi) ilə həbs edilib. Cinayətin digər iştirakçıları Röyal Məmmədov, Elşən Hüseynov, İsgəndər Hüseynov və Zamin Hüseynov həmin maddələrlə məsuliyyətə cəlb olunublar.
Qətllə nəticələnən münaqişənin səbəbi açıqlanmayıb. -21C06--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz