Ad dəyişir, bəs məzmun nə olsun?

Bakı/20.04.21/Turan: “Qeyri-Hökumət Təşkilatları Şurasının (QHTŞ) əvəzinə 2021-ci il aprelin 19-da QHT Agentliyi yaradılması bütün mahiyyəti əhatə etmir. Sadəcə olaraq atalar sözündə deyildiyi kimi  “Əlinin papağın Vəlinin  başına qoymaq kimi bir şeydir”. Bunu media hüququ üzrə ekspert Ələsgər Məmmədli  “Çətin sual” verlişində bildirib. 

Hüquqşünas əlavə edir ki, vaxtilə Ukraynada vətəndaş cəmiyyəti fəallıq göstərərək hakimiyyətin dəyişməsinə belə təir göstərirdi, rəsmi Bakı da bu bir gün Azərbaycanda bu ola bilər, təlaşı ilə vətəndaş cəmiyyəti institutlarını sıxışdırmağa başladılar. 2013-2014-cü illərdə bu institutların tanınmış simaları həbsə alındı, beynəlxalq QHT-lərin fəaliyyət göstərmələri üçün əlavə tələblər irəli sürüldü.

Məmmədli deyir ki, bu təzyiqlərin nəticəsində vətəndaş cəmiyyəti institutları daha çox asılı hala salındılar,  layihələrə beynəlxalq donorlardan vəsaitlər cəlb edə bilmədilər. Azərbaycan QHT Şurasının  ayırdığı hansısa normal layihəni iləmək mümkün deyildi.

Hüquqşünas belə bir məsələyə diqqət çəkir ki, hökumət QHT qururmlarının fəaliyyətinə müdaxilə etməməlidir və bu yolverilməzdir.

Burada əsas məsələ hökumətin diktəsinə imkan verilməməsidir, əks halda isə QHT-lərin sərbəst qururm olaraq inkişaf etməsi mümkün düyil. 

Məmmədlinin fikrincə, əgər QHT-lərin daha sərbəst və idarəçi hərəkətləri gözlənilirsə, nə hökumət qurumları, nə də başqa bir idarəçi qurum vətəndaşa cəiyyəti instituttlarının fəaliyyətinə müdaxilə etmməlidirlər.

O, bildirir ki, vətəndaş cəmiyyəti institutlarının inkişafı üçün zəmanət verilməli, ilk növbədə qanunvericilik sadələşdirilməli, hökumətin müdaxiləsi  minimuma enməli, şəffaflıq daha çox  tələb olunmalıdır.

Qeyd etmək lazımdır ki, müsahibə zamanı kənardan  verilişi pozmaq üçün texniki maneələr yaradılmışdı.-05D-