Azərbaycan Ermənistan ərazisini işğal edib? – Tofiq Zülfüqarov Çətin sual qarşısında

Bakı/06.10.22/Turan: Oktyabrın 4-də Avropa Parlamentində dinləmələr zamanı bəzi deputatlar Avropa İttifaqının beynəlxalq məsələlər üzrə ali komissarı Josep Boreldən Azərbaycana qarşı sanksiyalar tətbiq olunmasını tələb ediblər. Bu tələblər “Azərbaycanın Ermənistana qarşı təcavüzü” iddiaları ilə əsaslandırılıb.

Cavabında Josep Borel deyib ki, “Azərbaycan Ermənistanın bəzi ərazilərini işğal edib və bu, qətiyyən qəbuledilməzdir”. O vurğulayıb ki, Avropa İttifaqı Bakıdan qoşunlarını geri çəkməyi və bu yaxınlarda yayılan məhbusların edamı videosunun araşdırılmasını tələb edir.

Bu arada Ermənistanın baş naziri Nikol Paşinyanın həyat yoldaşı Anna Akopyanın baş redaktoru olduğu “Haykakan Jamanak” qəzeti yazıb ki, Azərbaycan sülh üçün Ermənistan qarşısında 5 əsas tələb qoyub.

“Bakı danışıqlar zamanı separatçı ordunun buraxılmasını, Qarabağa heç bir muxtariyyət verilmədən Azərbaycanın bir hissəsi kimi tanınmasını tələb edir, yəni sıfır statusla; Ermənistan ərazisindən keçən dəhlizi tələb edir; 1919, 1920-ci illərin xəritələrinə əsasən sərhədin delimitasiyası və demarkasiyası prosesi; həmçinin, itkin düşən azərbaycanlıların taleyinə aydınlıq gətirilməsini tələb edir.

Son proseslər barədə keçmiş xarici işlər naziri Tofiq Zülfüqarov Kamran Mahmudovun təqdimatında yayımlanan “Çətin sual” verilişində danışır.