Azərbaycana müstəqil məhkəmə lazımdır

Bakı/17.08.21/Turan: Bakı Ağır Cinayətlər Məhkəməsi Gəncənin keçmiş icra başçısı Elmar Vəliyev və onun mühafizəçisi Qasım Aşpazova qarşı sui-qəsddə ittiham olunan Yunis Səfərov və digər 11 nəfərin barəsində hökm çıxarıb.

Yunis Səfərov ömürlük həbs cəzasına məhkum edilib. Digər təqsirləndirilən şəxslər də məhkum edilib. Lakin bu iş üzrə araşdırma zamanı istintaqın nə dərəcədə peşəkarlıqla aparıldığı və məhkəmənin ədalətli olması ilə bağlı suallar yarandı.

Bu yaxınlarda Azərbaycan Xalq Cəbhəsi Partiyasının (AXCP) fəalı Aqil Hümbətov paytaxtın Xəzər rayon məhkəməsinin qərarı ilə qəsdən sağlamlığa ağır zərər vurmaq ittihamı ilə 4 ay müddətinə azadlıqdan məhrum edilib. (Azərbaycan Respublikası Cinayət Məcəlləsinin 126-cı maddəsi)

Bundan əlavə, Bakı Ağır Cinayətlər Məhkəməsi keçmiş baş prokuror və səfir Eldar Həsənovun işinə baxmağa hazırlaşır. Qeyd  edək ki, Eldar Həsənova qarşı Cinayət Məcəlləsinin 308.2-ci (vəzifə səlahiyyətlərindən sui istifadə) 308-1.1-ci (Dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə),  179.3.2 (mənimsəmə və ya israfetmə, külli miqdarda törədildikdə) və 313-cü (vəzifə saxtakarlığı) maddələr ilə ittiham elan olunub.

Həbsdə olan Eldar Həsənov həbsdə qanunsuzluq, əsassızlıq, qərəzlilik və azadlıqdan məhrum edilməsində özbaşınalığa etiraz olaraq ifadə verməkdən imtina edir.

Gördüyümüz kimi, ölkədəki siyasi iqlimin yaxınlaşan yumşaldılması ilə bağlı mesajlar fonunda siyasi səbəblərə görə təqiblər davam edir. Əsllində nə baş verir? Vətəndaş Hüquqları İnstitutunun rəhbəri, hüquq müdafiəçisi Bəşir Süleymanlı "Çətin sual" verilişində bu və digər sualları cavablandırır.  

Hüquq müdafiəçisinin sözlərinə görə, Azərbaycanda 30 ildir siyasi rəqiblər təqib olunur. Hətta ölkə tarixində 1000-ə qədər şəxsin siyasi motivlərlə həbs olunduğu bir dövr var idi. Vaxtaşırı bəzi siyasi məhbuslar sərbəst buraxılırdı, lakin bu cür yumşalmalar qısamüddətli idi. Son 10-15 ildə siyasi məhbusların sayı, ümumiyyətlə, 150-200 nəfəri keçməyib. Zaman-zaman bəziləri azad ediilsələr də, bir müddət sonra başqaları onların yerlərini tutur. Təqiblər davam edir.

Süleymanlı "Həm daxili, həm də beynəlxalq insan hüquqları təşkilatları bu prosesə son qoya biləcək ciddi addımlar ata bilmədilər", - deyə Süleymanlı gileylənib.

Onun fikrincə, siyasi məhbus probleminin həllində ciddi dəyişikliyə nail olmaq üçün ilk növbədə müstəqil məhkəmənin yaradılmasına və qanunvericiliyin liberallaşmasına nail olmaq lazımdır. "Siyasi məhbus problemi müstəqil məhkəmənin olmaması ilə birbaşa əlaqədardır", - deyə hüquq müdafiəçisi iddia edir. —0—