Etibar Məmmədov müstəqilliyin 25 illiyi haqqında

Müstəqilliyin 25 illiyi ərzində Azərbaycanın əsas nailiyyəti dövlətçiliyin möhkəmləndirilməsi, ölkənin beynəlxalq ictimaiyyətin tamhüquqlu üzvünə çevrilməsidir. Əsrin bir rübü ərzində Azərbaycanın müstəqilliyi sarsılmaz olub. Bu barədə Turan agentliyinin Çətin Sual verilişinə müsahibədə Milli İstiqlal Partiyasının fəxri lideri, 1980-ci illərin sonlarında milli demokratiya hərəkatının rəhbərlərindən biri olan Etibar Məmmədov bildirib.

Ötən dövrdə Azərbaycan sakinlərində müstəqil dövlət vətəndaşlarının təfəkkürü formalaşıb, Azərbaycanın dünyada siyasi, mədəni, iqtisadi münasibətlərdə tanınması prosesi gedir.

O, həmçinin ölkənin iqtisadi nailiyyətlərini qeyd edib. Amma iqtisadi inkişaf potensialı çox azdır.

Hakim rejim sabitliyi təmin edə bilsə də, bazar iqtisadiyyatı deyil, məmur kapitalizmi yaradıb, deyə Məmmədov bildirib.

Hakimiyyət silahlı qüvvələrdə islahatları çox ləngidib. Amma müdafiə naziri dəyişdikdən sonra islahatlar uğurla həyata keçirilib və bu gün Azərbaycan ordusu tamamilə döyüşə hazır, nizam-intizamlı və təminatlıdır.

Xarici siyasətə gəlincə, Məmmədovun sözlərinə görə, Xalq Cəbhəsi və Müsavat hökuməti avrointeqrasiya kursu elan edib, onları əvəz edən hakimiyyət də bu siyasəti həyaya keçirirdi. Amma Rusiya gücləndikcə Bakının siyasətinə düzəlişlər olunub və o, daha da tarazlaşdırılıb. Məmmədov uzaq gələcək üçün bu siyasətin səmərəli olduğuna şübhə edir.

O, Avropa, Avroatlantik qurumlarla münasibətləri pozmaq lazım olduğu haqqında çağırışlarla razı deyil. O hesab edir ki, müasir qlobal dünyada tamamilə təcrid olunmaq olmaz.

Sonda Məmmədov hökumətdən razı olmayan insanların bu dövləti artıq öz dövlətləri hesab etməməsindən narahatlığını ifadə edib. “Hakimiyyət dəyişə bilər, amma dövlət eyni qalır”.

İqtisadiyyatın inkişafı üçün iqtisadi azadlıqlar təmin edilməli, iqtisadiyyat şaxələndirilməli, 95%-ə çatan neftdən asılılıqdan xilas olunmalıdır.

“Bütün bunlar olmadan nə manatın sabitləşməsinə, nə iqtisadiyyatda və sosial sahədə geriliklərin aradan qaldırılmasına nail olmaq mümkün olmayacaq”, deyə Etibar Məmmədov qeyd edib. -03B06-