Siyasi partiyalardan hansıları reyestrdən keçdi, hansıları özünü buraxmalı oldu? – Hafiz Həsənov Çətin sualda
Bakı/07.07.23/Turan: İyulun 1-də Prezident İlham Əliyevin “Siyasi partiyalar haqqında” Qanunu imzalamasının 180 günü tamam olub. Bununla da partiyalar müvafiq nazirliyin Ədliyyə Sahəsində Xidmətlər Baş İdarəsinə qanunun tələblərinə əsasən 5 min üzv haqqında məlumat təqdim etməlidirlər.
“Siyasi Partiyalar Haqqında” qanun qüvvəyə mindikdən sonra Azərbaycanda 20-dən çox partiya özünü buraxıb.
Son bir neçə gündə isə bu sıraya Azərbaycan Liberal Partiyası (ALP), Azərbaycan Yüksəliş Partiyası (AYP), Cumhuriyyət Xalq Partiyası (CXP) və Vətəndaş və İnkişaf Partiyası (VİP) qoşuldular. Ard-arda partiyaların özünü buraxması xeyli təəcüb doğurur. Hətta deyilənlərə görə, bəzi partiyalar buraxıldıqları barədə bəyanatı mediadan öyrənirlər. Məsələn, iyunun 24-də Liberal Partiyanın VIII qurultayı keçirildi. Lakin bəzi saytlarda həmin gün partiyanın fəaliyyətinin dayandırıldığı haqda xəbər yayıldı. Partiya rəhbərliyi bu məlumatdan xəbərsiz olduqlarını bəyan etdilər. Cümhuriyyət Xalq Partiyasının (CXP) sədri Bədrəddin Quliyev partiyasının buraxılması haqda bəyanat yayılandan bir gün əvvəl bu barədə düşünmədiyini bəyan etmişdi. Ancaq səhəri gün hökumətə yaxın saytlarda partiyasının buraxılması haqda bəyanat yayıldı.
Müstəqil media orqanlarının yazdığına görə, partiyaların buraxılması haqda bəyanatlar Prezident Administrasiyasında hazırlanaraq hakimiyyətyönlü media orqanlarına ötürülür.
Bütün bunlar barədə Hüquq və İnkişaf İctimai Birliyinin sədri Hafiz Həsənov Kamran Mahmudovun təqdimatında yayımlanan “Çətin sual” verilişində danışır.
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz