Gülən Hərəkatına bağlı hazırlıq kursları nazirliyə tabe edildi

“Xidmət Hərəkatı”na bağlı hazırlıq kursları qanunvericilik qaydasında Türkiyə Milli Təhsil Nazirıliynə tabe edilib.

Bundan sonra hazırlıq kurslarında təhsil alanlar bu kurslara maliyyə vəsaiti ödəməyəcəklər.  2015-ci ildən bu kurslar təlim-təhsil qurumu kimi tanınmayacaq və fəaliyyətlərinə son verəcəklər.

Hazırlıq kurslarının yerinə özəl məktəblərin açılması və sayının artırılmasının nəzərdə tutulduğu qeyd edilir. Türkiyədə özəl məktəblərin sayının çox aşağı olduğu, bu mənada Türkiyənin dünyadakı orta göstəricilərin də aşağıda olduğu qeyd edilir. Özəl sektorun ba sahədə sərmayələri indiyə kimi hazırlıq kurslarına yatırdığı qeyd edilir.

Türkiyə Konstitusiyasına əsasən dövlət şagirdlərə pulsuz təhsil verməyə borclu olduğu, amma  hazırda hazırlıq kurslarında 500 lirədən başlayan qiymətlərin 20-30 min lirə arasında dəyişdiyi vurğulanır. Dövlətin şagirdləri pulsuz olaraq litsey və universitetlərə hazırlamaq vəzifəsi olduğu halda hazırlıq kurslarının sahəni inhisara alması sistemi pozması kimi dəyərləndirilir.

Hazırda ABŞ-da yaşayan Tükiyənin məşhur din xadimi Fətullah Gülənin yaratdığı “Xidmət Hərəkatı”na bağlı hazırlıq kursları hərəkatın gəlir mənbələrindən biri idi. Belə ki. bu hazırlıq kurslarında təhsil alan şagirdlər ali məktəblərə qəbul üçün ən yüksək səviyyədə hazırlanırdılar. Bunun müqabilində bu kurslarda təhsil alanlar maliyyə vəsaiti ödəyirdi. Ərdoğanı uzun müddət müdafiə edən. hakimiyyətə gəlməsınə yardımçı olan Hərəkatla Ərdoğan hökuməti arasında 2013-cü ilin dekabrından  qarşıdurma yaranıb. Bununla bağlı hökumət Hərəkatın maliyyə qaynaqları olan mənbələri sıradan çıxarmaq və onları ifşa etmək yolu tutub. Hökumət Hərəkata qarşı mübarizəsini hələ də  davam etdirir.-05D-