![Açiq mənbələrdən foto.](https://turan.az/resized/media/2021/main/062600034897-750-500-resize.webp)
Açiq mənbələrdən foto.
“İstanbul” kanalının tikintisi başlayır
Bakı/26.06.21/Turan: Şənbə günü Türkiyədə meqalayihə - “İstanbul kanalı”nın gerçəkləşdirilməsi çərçivəsində ilk körpünün təməli qoyulur.
"Anadolu" agentliyinin məlumatına görə, prezident Rəcəb Tayyib Ərdoğan “Sazlıdərə” su anbarı üzərində ilk körpünün təməlqoyma mərasimində iştirak edəcək.
Bosfor boğazından yan keçməklə süni nəqliyyat arteriyası Qara və Mərmərə dənizlərini birləşdirəcək və Türkiyənin beynəlxalq ticarətdə rolunu artıracaq.
Türkiyənin böyük infrastruktur təşəbbüsündə məqsəd ildən-ilə gəmiçiliyin daha da intensivləşdiyi Bosfor boğazınının yükünü yüngülləşdirməkdir.
Dünyada ən yüklü dəniz yollarından biri olan Bosfordan hər il 43 mindən artıq gəmi keçir, halbuki, beynəlxalq sazişlərə əsasən bu göstərici 25 min səviyyəsində müəyyən edilib.
Türkiyə hakimiyyətinin proqnozlarına görə, 2050-ci ildən sonra Qara və Mərmərə dənizləri arasında gəmi axını 78 minə çatacaq ki, bu da yeni dəniz arteriyasının yaradılmasının əhəmiyyətini artırır.
Uzunluğu 45 kilometr olan kanal Türkiyənin logistika imkanlarını və infrastrukturunu yaxşılaşdıracaq, həmçinin meqapolisin ekologiyasını gəmilərlə bağlı mümkün insidentlərdən qoruyacaq.
Kanalın dərinliyi orta hesabla 20,75 metr, eni 275 metr olacaq. “İstanbul” kanalının sahilində yeni şəhərçiklərin salınması planlaşdırılır.
Layihənin reallaşması təxminən 7 il davam edəcək. Yeni kanal üzərində altı körpü çəkiləcək.
Türkiyə hakimiyyəti dəfələrlə bəyan edib ki, Montre Konvensiyası "İstanbul" kanalına aid deyil, yəni onun barəsində məlumat Bosfor və Dardanel boğazlarının statusuna dair beynəlxalq sazişlərin təsiri altına düşmür.
İlkin məlumatlara görə, tikinti 10 milyard dollara başa gələcək. – 02B-
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz