Mardan Palace otelini Telman İsmayılovun əlindən alıblar
Antalyada məşhur Azərbaycanlı sahibkar Telman İsmayılova məxsus yeddi ulduzlu Mardan Palace oteli hərracda 124 mln. dollara satılıb.
İlkin olaraq otel 248 mln. dollar qiymətləndirilib.
Otelin 360,5 mln. lirəyə (təxminən 124 mln. dollar) Halkbank-a satıldığı haqqında xəbəri bazar ertəsi Türkiyənin Hurriyet portalı yayıb.
İlkin olaraq otel 719 mln. lirə (təxminən 248 mln. dollar) qiymətləndirilib, amma alıcıya, demək olar ki, iki dəfə ucuz başa gəlib.
Son vaxtlar Mardan Palace maliyyə çətinlikləri yaşayırdı - ən böyük kreditoru olan Halkbanka, həmçinin Garanti Bankasına borcu var idi. Otelin borcları ilə əlaqədar məhkəmələrdə 67 iş açılıb.
İsmayılovun Antalyadakı oteli satması haqqında məlumatlar 2015-ci ilin martında yayılıb. Elə həmin vaxt İsmayılov bildirib ki, oteli satmır və onu ölkədən “sıxışdırıb çıxarmaq” istəyirlər.
Mardan Palace 23 may 2009-cu ildə açılıb, müxtəlif məlumatlara görə, onun tikintisinə 1 mlrd. dollardan çox vəsait xərclənib. Otelin açılış mərasimində dünya şou-biznesinin ulduzları – Meraya Kerri, Riçard Gir, Şeron Stoun, Monika Belluçi iştirak ediblər.
Otel İsmayılovun ən dəyərli aktivi idi, onun tikintisi üçün yüz milyonlarla dollar borc almışdı.
Oktyabrıda Moskva Bankı Telman İsmayılovun iflasa uğraması haqqında məhkəməyə ərizə verib. “Kommersant”ın yazdığına görə, bankın ərizəsində bildirilirdi ki, 2012-ci ilin sentyabrından 2014-cü ilin fevralına qədər o, AST qrupu ilə birbaşa əlaqəsi olan iki şirkətə ümumilikdə 230 mln. dollar ölçüsündə üç kredit verib. İsmayılov pulun müəyyən edilmiş müddətdə qaytarılması haqqında şəxsi zəmanət verib, amma nə borc, nə faizlər qaytarılmayıb. Moskva Bankı faizləri nəzərə alaraq, İsmayılovdan 286 mln. dollardan çox pul tələb edir.
Vaxtilə Çərkəz bazarının özünə vurğun olan sahibi fərasətsiz menecer çıxdı və iflas etdi. -02D-
Dünyada
-
Rusiyanın cənubunda, Ukrayna ilə həmsərhəd olan Belqorod vilayətinin 14 kəndinə giriş-çıxış əksər mülki vətəndaşlar üçün bağlanacaq, qubernator Vyaçeslav Qladkov çərşənbə axşamı bildirib ki, bu, Ukraynanın atəşi nəticəsində oradakı "son dərəcə çətin" vəziyyətlə bağlıdır.
-
Fransa prezidenti Emmanuel Makron çərşənbə axşamı baş nazirin istefasını qəbul edib, lakin ayın sonunda Fransa Paris Olimpiadasına ev sahibliyi etməyə hazırlaşdığı bir vaxtda onu müvəqqəti hökumətin başçısı kimi saxlayıb.
-
Xiaomi CEO-su Lei Jun, Weibo-da Pekinin Changping şəhərində yerləşən yeni nəsil smartfon istehsal fabrikinin tezliklə fəaliyyətə başlayacağını elan edib, gizmochina.com xəbər verir. Elan, video təqdimatı ilə müşayiət olunaraq, bu “qaranlıq fabrikin” qabaqcıl imkanlarını vurğulayır, insan müdaxiləsi olmadan gündə 24 saat işləmək üçün nəzərdə tutulub.
Rəy yaz