Bakı/26.06.19/Turan: İyunun 26-da axşam Strasburqda keçirilən Avropa Şurası Parlament Assambleyasının (AŞPA) yay sessiyasında Avropa Şurası baş katibi seçkisi olub.
Səsvermədə 274 parlamentari iştirak edib. Xorvatiyanın keçmiş baş naziri və XİN rəhbəri Mariya Peyçinoviç-Buriçə 159 deputat səs verib. Onun rəqibi, Belçika XİN-in keçmiş rəhbəri Didye Reynders 105 səs toplayıb.
Beləliklə, 56 yaşlı M.Peyçinoviç-Buriç 5 il müddətinə AŞ baş katibi seçilib.
Səsvermənin nəticələrini müəyyən dərəcədə sensasion hesab etmək olar. Çünki bir çox ekspertin fikrincə, seçkilərin favoriti D.Reynders sayılırdı.
Qeyd edək ki, seçkidən öncə Rusiya nümayəndə heyətinin səlahiyyətləri tam şəkildə bərpa edilib.
Bundan dərhal sonra Ukrayna nümayəndə heyəti tam tərkibdə sessiyanı tərk edib.06D--
Dünyada
-
Rusiya Prezidenti Vladimir Putin və İran Prezidenti Masud Pezeshkian bu gün Kremldə görüş keçiriblər, bu görüş Rusiya ilə İran arasındakı ikitərəfli münasibətlərdə yeni bir mərhələnin başlanğıcını işarələyir. Rusiya ilə rəsmi səfərdə olan Pezeshkiana, Xarici İşlər Naziri Sergey Lavrov, Baş nazir müavini Vitali Savelyev və digər mühüm Rusiya rəsmiləri də qatılıblar.
-
ABŞ və Aİ tərəfindən terror təşkilatı kimi tanınan Fələstin qruplaşması HƏMAS və İsrail, Qəzzada atəşkəs və girov mübadiləsi barədə razılaşmanı yekunlaşdırıb. Bu barədə İsrail Baş naziri Benyamin Netanyahu ofisi cümə günü səhər məlumat yayıb.
-
Baş nazir Benyamin Netanyahu cümə günü bildirib ki, Qəzza sektorunda saxlanılan girovların geri qaytarılması ilə bağlı razılıq əldə olunub. Bundan əvvəl onun rəhbərlik etdiyi qurum 15 aylıq müharibəni dayandıracaq atəşkəs razılaşmasının bağlanmasında son anda problemlərin yarandığını açıqlamışdı.
-
Rusiya Prezidenti Vladimir Putin və İran Prezidenti Məsud Pezeşkian cümə günü Pezeşkianın Rusiyaya səfəri zamanı Suriyadakı vəziyyət, Yaxın Şərq və İranın nüvə proqramı məsələlərini müzakirə edə bilərlər, bu barədə Kreml cümə axşamı məlumat yayıb. Putin və Pezeşkian, cümə günü strateji əməkdaşlıq üzrə gözlənilən razılaşmanı imzalamağı planlaşdırırlar ki, bu da Qərbin narahatlığına səbəb ola bilər, çünki Qərb hesab edir ki, hər iki ölkə dünya səhnəsinə zərərli təsir göstərir.
Rəy yaz