PKK Türkiyəyə qaşrı terror dağıdıcılığını işə salır

PKK Türkiyəyə qarşı silahlı əməliyyatları yenidən başlayır. Kürdistan Xalq Birliyinin sədri Cəmil Bayık bu hadqa Almaniya dövlət telekanalına açıqlama verib.

C.Bayık buna səbəb kimi Türkiyə parlamentinin Türkiyənin İraq və Suriyada hərbi əməliyyatlarla bağlı qəbul etdiyi qanunu göstərib. Onun fikrincə, bu qanun Türkiyənin “İraq Şam İslam Dövləti” (İŞİD) qruplaşmasına yox, əslində PKK-ya müharibə elan etməsidir. C.Bayık bu qənaətə gəlməsini adı çəkilən qanunda İŞİD-in adının keçməməsilə “əsaslandırıb”.

C.Bayık  Türkiyəni  PKK-ya yenidən müharibə  elan etməkdə suçlayaraq kürd problemini dinc vasitələrlə həll etmək (Türkiyədə buna  “çözüm süreci” deyirlər) mərhələsinin arxada qaldığını iddia edib.

Bundan iərli gələrək C.Bayık silahlı dəstələri yenidən Türkiyəyə göndərdiklərini  söyləyib. “Türkiyə PKK-ya müharibə elan edib, biz də artıq PKK-nı Türkiyə ərazisinə göndəmişik”, - C.Bayık bildirib.

PKK XX əsrin 70-ci illərində SSRİ-nin Suriyanın Bəqaa vadisində təlim keçərək Türkiyəyə qarşı silahlandırdığı terror təşkilatıdır. Bu terror təşkilatının “kürdlərin milli azadlıq mübarizəsi ” adı altında apardığı son 30 illik dövrdə 30 mindən çox insan həyatını itirib. 1999-cu ildə PKK-nın başçısı Abdullah Öcalan tutularaq ömürlük azadlıqdan məhrum edilib. Ərdoğan iqtidarı hakimiyyətə gəldikdən bu yana kürd probleminin dinc vasitələrlə həll olunması kimi “həll etmə müddəti” siyasi termini gündəmi zəbt edib.

Ekspertlərə görə, PKK-nın Türkiyəyə qarşı silahlı mübarizə yolu tutmasına səbəb Suriyada kürdlərlə İŞİD arasında gedən “Kobani savaşı”na Türkiyə silahlı qüvvələrinin qarışmaması, kürdlərə dəstək verməməsidir. Oktyabrın əvvəlindən İŞİD-in əlindən qaçıb Türkiyəyə girən PKK təmsilçiləri Kobanini bəhanə edərək Türkiyə şəhərlərində yanğınlar, qətllər törədiblər.  Ölənlərin sayı 40 nəfəri keçib.-05D-