Президент Джо Байден встречается с военачальниками, включая министра обороны Ллойда Остина (слева) и председателя Объединенного комитета начальников штабов генерала Марка Милли, в Государственной столовой Белого дома в Вашингтоне, среда, 26 октября 2022 г. ( AP Photo/Susan Walsh) (ASSOCIATED PRESS)
Vaşinqton/28.10.22/Turan: Bayden administrasiyası çərşənbə günü ABŞ-ın Milli Müdafiə Strategiyasını, Nüvə Siyasəti İcmalını və Raket Əleyhinə Müdafiə İcmalını dərc edib. Bu sənədlərdə ABŞ-ın genişmiqyaslı təhlükəsizlik strategiyası və bu təhdidlərin qarşısının alınması yollarının axtarışı əksini tapıb.
Bu təhdidlər arasında birinci yerdə Rusiya və Çin dayanır. Bu ilin yazında Konqresə Milli Müdafiə Strategiyasının məxfi versiyası təqdim edilib, sənəddə prioritetlər, o cümlədən müttəfiqlərlə iş və Çin və Rusiyaya qarşı mübarizə tədbirləri əksini tapıb.
Pentaqon rəhbəri Lloyd Ostin cümə axşamı jurnalistlərə belə deyib: "Biz çəkindirmə tədbirlərimizi elə inkişaf etdiririk ki, potensial düşmənə aydın olsun ki, ABŞ-a və ya müttəfiqlərimizə və tərəfdaşlarımıza qarşı təcavüz çox baha başa gələcək".
Milli Müdafiə Strategiyasında əsas diqqət Çinin çəkindirilməsini gücləndirmək zərurətinə və ABŞ-ın artan müttəfiqlər və tərəfdaşlar şəbəkəsi ilə əməkdaşlığı möhkəmləndirməyə ayrılır.
Strategiyada həmçinin Rusiyanın Ukraynaya hücumu fonunda bu ölkənin yaratdığı çağırışlar, habelə Şimali Koreya, İran və hərbi ekstremist təşkilatlardan gələn təhdidlər nəzərə alınır.
"Moskva və Pekin hərbi hazırlığı, o cümlədən Amerika ictimaiyyətinin iradəsinin sarsıdılması və bizim kritik əhəmiyyət kəsb edən infrastrukturumuza zərbə endirilməsi məqsədilə atılan addımları gizlətmək üçün geniş alətlər spektrindən istifadə edə bilər", deyə Strategiyada bildirilir.
Rusiya və Çinin nüvə arsenalının artması ən çox narahatlıq doğurur, bu zaman ABŞ hökuməti "strateji çəkindirmənin əsas dayağı" olan öz nüvə potensialına arxalanır.
Pentaqon ABŞ-ın nüvə triadasının - quruda yerləşən qitələrarası ballistik raketlərin, bombardmançıların və çox nüvə başlıqları daşıyan sualtı qayıqların müasirləşdirilməsinə sadiqdir.
Strategiyada həmçinin pandemiya və iqlim dəyişikliyi kimi təhlükəsizlik problemlərinə xüsusi diqqət yetirilir. 25B
Dünyada
-
Xəzər dənizinin sahilində yerləşən Bakı, Azərbaycanın həm iqtisadi, həm də mədəni mərkəzi hesab olunur. Lakin sürətlə gedən urbanizasiya, artan əhali və sənaye fəaliyyətlərinin intensivliyi şəhərin ekoloji problemlərini daha da dərinləşdirib. Şəhər sakinləri hava çirkliliyi, məhdud yaşıllıq sahələri və tullantıların idarə edilməsi ilə bağlı artan çətinliklərlə üzləşir — bu amillər isə həyat keyfiyyətinə ciddi təsir göstərir.
-
İsrailin baş naziri Benyamin Netanyahu uzun müddətdir davam edən korrupsiya məhkəməsində şahid qismində ifadə vermək üçün çərşənbə axşamı Tel-Əviv məhkəməsinin binasına daxil olub.
-
Prezident Vladimir Zelenski bazar ertəsi Rusiyanın Ukraynadakı müharibəsinin diplomatik yolla həllinin tərəfdarı kimi çıxış edib və NATO hərbi alyansına qoşulana qədər xarici qoşunların ölkəsində yerləşdirilməsi ideyasını irəli sürüb.
-
2024-cü il dekabrın 9-da axşam saatlarında yüzlərlə nümayişçi Gürcüstan paytaxtının mərkəzi olan Rustaveli prospektində hökumətə narazılıqlarını ifadə etmək üçün toplaşdı. Avropa İttifaqına üzvlük danışıqlarının 2028-ci ilə qədər təxirə salınması ilə bağlı mübahisəli qərar bu etirazları alovlandırdı və Gürcüstanın siyasi trayektoriyasında dönüş nöqtəsinə çevrildi.
Rəy yaz