Ukrayna KİV bildirir ki, Qara dənizdə İlan adasının yaxınlığında Rusiya freqatı yanır /YENİLƏNİB/

Ukrayna KİV-in dəqiqləşdirilmiş məlumatına görə, RF Qara dəniz donanmasının yeni freqatı “Admiral Makarov” “Neptun” gəmi əleyhinə komplekslə vurulub. Həmin vaxt gəmi İlan adasının yaxınlığında olub. Yanğın və gəminin yerləşdiyi əraziyə xilasedici gəmilərin gəlməsi barədə məlumat verilir ki, bu da freqatın hərəkəti itirdiyini göstərə bilər.

Təsdiqlənməmiş məlumata görə, hələ aprelin 3-də “Admiral Essen” “Neptun” raket kompleksi tərəfindən  bir raketlə vurulub. O yaxınlaşarkən gəminin hava hücumundan müdafiəsi tərəfindən qeydə alınıb, lakin qısa məsafədən vurulub. Gəmi əleyhinə raketin qalıqları ziyan vurub və gəmi əməliyyat zonasından çıxıb.

*   *   *

2022 May 06 (Cümə) 13:42:50

Ukrayna KİV bildirir ki, Qara dənizdə İlan adasının yaxınlığında Rusiya freqatı yanır

Bakı/06.05.22/Turan:   İlan adasının yaxınlığında Rusiyaya məxsus 11356P “Burevestnik” layihəli freqatın göyərtəsində partlayış və sonra yanğın baş verib, Odessanın “Dumskaya” qəzeti yazır ki,

Fövqəladə vəziyyət barədə dünən sosial şəbəkələrdən məlum olub. Qəzet yazır: "Bu gün biz belə bir hadisənin həqiqətən baş verdiyinə dair təsdiq aldıq".

Hazırda Qara dənizin bu akvatoriyasında Rusiya aviasiyası dövrə vurur və işğal olunmuş Krımdan xilasedici gəmilər bu gəmiyə kömək üçün çıxıblar.

İşğalçılar arasında ştatdankənar  vəziyyətin nədən yarandığı, eləcə də Rusiya Federasiyasının Qara dəniz donanmasının tərkibinə daxil olan bu tipli üç freqatdan hansının zədələndiyi hələlik bəlli deyil.

“Dumskaya” bildirir ki, Rusiya donanmasının növbəti uğursuzluğu aydınlaşdırılır.

İlkin məlumata görə, gəmi Ukraynanın “Neptun” gəmi əleyhinə raketi ilə vurulub.

Rusiyanın Qara dəniz donanmasının gəmi heyətinə 11356Р “Burevestnik” layihəli üç freqat daxildir: 2016-2017-ci illərdə istismara verilmiş “Admiral Qriqoroviç”, Admiral Essen” və “Admiral Makarov”. NATO kodifikasyası üzrə - Krivak V - yaxın, uzaq dəniz və okean zonasında raketli silahla idarə olunan 2-ci dərəcəli çoxməqsədli freqatları seriyası.

Belə freqatların zərbəçi raket silahlanmasının əsasını “Kalibr” qanadlı raketlərindən istifadə edən 3S14 universal buraxılış qurğuları təşkil edir. Hər freqatda səkkiz raket buraxılış özəyi var.—0—