3 mindən çox torpaq sahibi dövlətdən kompensasiya ala bilmir

Neftçilərin Hüquqlarının Müdafiəsi Komitəsi «Oğuz-Qəbələ-Bakı su kəmərinin təsirinə məruz qalan torpaq sahiblərinə hüquqi yardım» layihəsi üzrə son təqdimatını keçirib. Mülkiyyətçilərin 99%-i 7 ildə  dövlətdən kompensasiya ala bilmir. 

Məsul dövlət strukturları təqsiri bir-birinin üzərinə atır. Mülkiyyətçilər subyektiv səbəblərdən məhkəməyə müraciət etmir. 

«976 ha torpaq itirən 3257 ailədən 2-i inandıra bildik. Bu ailələrin 3-ü kompensasiya aldı, deyə Komitənin rəhbəri Mirvari Qəhrəmanlı bildirib. İctimai Birlik torpaq sahiblərinin vəkili qismində çıxış edib. Layihəni Nazirlər Kabinetinin 24 fevral 2006-cı il tarixli qərarı ilə “Azərsu” ASC icra edir. Amma şirkət bildirir ki, kompensasiya üçün məsuliyyət daşımır. Layihənin donoru olan ARDNF məlumat verir ki, “Azərsu” kompensasiya üçün vəsait istəməyib. Maliyyə Nazirliyi bildirir ki, dövlət büdcəsindən bu məqsədlə vəsait ayrılmayıb. 

“Azərsu” ASC əməkdaşları isə torpaq sahiblərini dilə tutur ki, məhkəməyə müraiət etməsinlər, deyə Qəhrəmanlı bildirib. Onun sözlərinə görə, Komitə ictimai rezonans əldə etmək üçün aktiv fəaliyyət göstərib. Bu günkü mətbuat konfransında Qəbələ, Oğuz, Göyçay və 5 başqa rayonda İB-in Oğuz-Qəbələ-Bakı su kəmərinin təsirinə məruz qalan torpaq sahiblərinin hüquqlarının məhkəmələrdə qorunması ilə bağlı foto sərgi nümayiş etdirib. 

Kompensasiya verilməsi barədə iddialar təmin edilsə, məhkəmə orqanları  “Azərsu” ASC-nin hesablaşma hesabına həbs qoymalıdır. Hər halda iş Ali Məhkəməyə qədər davam edəcək. 08C