AGBank reytinqinin aşağı salınmasına münasibətini bildirib

“AGBank” ASC 2015-ci ildə kapitalını artırmağı planlaşdırır”, - bu maliyyə qurumunun rəhbərliyinin bəyanatında İdarə Heyəti sədrinin müavini Əfqan Cəlilova isnadla bildirilib.

Bu reaksiya bankın uzunmüddətli emitentin defoltu reytinqini “B-“ səviyyəsində saxlaması və “Rating Watch”un “mənfi” siyahısında müşahidə altına yerləşməsi barədə beynəlxalq Fitch Ratings agentliyinin məlumatına cavabdır.

“Fitch agentliyinin qeyd etdiyi kimi, əməliyyat mühitinin pisləşməsi manatın devalvasiyasının nəticəsidir ki, bu, respublikada bankların, o cümlədən AGBank-ın reytinqi üzrə proqnozların pisləşməsinə gətirib çıxarıb. Nəticədə agentlik banklar üzrə proqnozları bir pillə aşağı salıb. Yəni, “müsbət” proqnozlu bankların gələcəyi milli valyutanın devalvasiyaslndan sonra  “stabil” görünür, “stabil” bankların proqnozu isə “mənfi” olub, - Ə.Cəlilov qeyd edib.

Bankların kapitalı mümkün ricklərin absorbsiyası üçün buferdir, fevralın 21-dən sonra bu bankın kapitalı bir qədər azalıb.

Fitch-in məlumatında deyildiyi kimi, AGBank-in reytinqi ilə bağlı Rating Watch statusu üzrə gələcək qərar devalvasiyadan sonra bankın kapitallaşmasından asılı olaraq qəbul ediləcək. Əgər bankın kapitallaşması minimal requlyativ səviyyədən əhəmiyyətli dərəcədə aşağı olarsa və onların kredit qabiliyyətliliyinin bərpası üçün tədbirlər görülməsə və ya bu tədbirlər yetərli olmasa bankın reytinqləri aşağı salına bilər. Eyni zamanda səhmdarlar və ya Azərbaycan hakimiyyəti kifayət qədər kapital dəstəyi verərsə reytinqlər təsdiqlənər.

AGBank 1992-ci ildə təsis edilib. Bankın səhmdarları Beynəlxalq Maliyyə Korporasiyası (17,5%), Kazimir Partners şirkəti (10%), fiziki şəxslər – Çingiz Əsədullayev (27,532%), Fərzulla Yusifovdur (23,111%).

Bundan əlavə, bankın ümumi payı 21,856% olmaqla 74 minoritar səhmdarı var.

2014-cü il yanvarın 31-nə olan məlumata görə, bankın kapitalı 51 mln. 883,38 min manat, nizamnamə kapitalı 25 mln. manat təşkil edir. --17D—