![Aİ ABŞ nümunəsi üzrə Azərbaycanla aviadaşınmaların liberallaşdırılmasına dair müqavilə imzalayacaq](https://turan.az/resized/./turan-750-500-resize.webp)
Aİ ABŞ nümunəsi üzrə Azərbaycanla aviadaşınmaların liberallaşdırılmasına dair müqavilə imzalayacaq
Azərbaycan və Avropa İttifaqı arasında Open Skies aviasiya sazişi çərçivəsində danışıqlar praktiki müstəviyə keçir.
Avropa İttifaqının Bakıdakı səfiri Malena Mard bu gün jurnalistlərə bildirib ki, tərəflər ümumi aviasiya zonasına dair sazişin hazırlanmasına hazırdır və bu saziş aviasiya sektorunda rəqabətin artmasına imkan verəcək.
“Hazırda biz strateji tərəfdaşlıq haqqında saziş üzərində işləyirik və bu, Aİ strukturları daxilində öz davamını alacaq. Payızın əvvəlində altkomitələr səviyyəsində bəzi görüşlərin keçiriləcəyini gözləyirik. Bu görüşlər zamanı qarşılıqlı fəaliyyətə dair bütün məsələləri müzakirə etmək mümkün olacaq. İlk görüşlər sentyabrın əvvəlində başlayacaq. Bu, Avropa İttifaqı və Azərbaycan arasında çox intensiv payız kontaktları olacaq”, - o vurğulayıb.
Xatırladaq ki, aprelin 6-da “Azərbaycan Hava Yolları” (AZAL) QSC-nin prezidenti Cahangir Əsgərov və ABŞ-ın Azərbaycandakı səfiri Robert Sekuta iki ölkə arasında hava daşınmaları bazarının liberallaşdırılması üçün “açıq səma” haqqında sənəd imzalayıblar. Bu, hava əlaqəsinin təşkili prosesinin sadələşdirilməsinə imkan yaradıb və kommersiya reyslərinin artırılmasına xidmət edəcək. Bu tipli saziş aviaşirkətlərin marşrutu və qiymət qoyuluşuna dair kommersiya qərarlarına dövlətin müdaxiləsinin aradan qaldırılmasını nəzərdə tutur ki, bu da operatorlara sərnişin və yük aviadaşınmaları üzrə daha əlverişli və effektiv xidmətlər göstərməyə imkan verəcək.
2014-cü ilin avqustunda Azərbaycan mülki aviasiya üzrə normativ bazanın təkmilləşdirilməsi sayəsində ABŞ Federal Aviasiya Administrasiyası bizim ölkəyə aviasiya təhlkəsizliyi üzrə yüksək səviyyə - “A” kateqoriyasını verib ki, bu da 2014-cü il sentyabrın 23-dən Bakı- Nyu-York və geriyə birbaşa reysinin açılmasına imkan yaradıb. Reys həftədə iki dəfə müasir Boeing-787-8 Dreamliner təyyarəsilə həyata keçirilir. --17D—
-
- İqtisadiyyat
- 23 İyun 2016 13:52
-
- Siyasət
- 23 İyun 2016 14:11
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz