![AMB-nin uçot dərəcəsini aşağı salması ciddi dəyişikliklərə səbəb olmayacaq](https://turan.az/resized/750/500/resize/media/2013/main/021100027956.jpg)
AMB-nin uçot dərəcəsini aşağı salması ciddi dəyişikliklərə səbəb olmayacaq
Azərbaycan Mərkəzi Bankının uçot dərəcəsini aşağı salması maliyyə sektorunda ciddi dəyişikliklərə səbəb olmayacaq, deyə İqtisadi və Sosial İnkişaf Mərkəzinin sədri Vüqar Bayramov hesab edir.
İnfilyasiya səviyyəsinin aşağı olması ilə bağlı rəsmi rəqəmlərə rəğmən istehlak bazarında qiymət artımları müşahidə edilir. Mərkəzi Bankın üçot dərəcəsi hələlik iqtisadiyyatın şaxələnməsinin dəstəklənməsi baxımından strateji alətə çevrilməyib. Bu gün bankın üçot siyasətindən daha çox məzənnə siyasəti qeyri-neft sektorunun dəstəklənməsi üçün əhəmiyyətlidir. Amma bu sahədə tənzimlənə valyuta rejimi hələ də saxlanilmaqdadır.
Bundan başqa, mərkəzləşdirilmiş kredit resursları bankların cəlb etdiyi bütün mövcud vəsaitlərin cəmi 5 faizini təşkil etdiyindən uçot dərəcəsinin aşağı salınması nəinki ciddi hətta hiss edilən faiz endirimlərinə və ya bankların ucuz vəsaitlər ilə təmin edilməsinə səbəb ola bilməz. Mərkəzləşdirilmiş kreditlərdən heç də bütün bankların istifadə imkanları yoxdur. Bu qərar bütün bank sektorunu əhatə edə bilmir. Azərbaycanın əksər aparıcı banklarında mərkəzləşdirilmiş kreditlərin payı ya cüzidir, və ya ümumiyyətlə yoxdur.
Alimin fikrincə, uçot dərəcəsinin aşağı olmasına baxmayaraq, mərkəzləşdirilmiş kreditlərin verilməsi şərtlərinin ağır olması (kreditin müddəti, girov şərtləri və s.) bankların bu vəsaitlərdən istifadə meyilərini azaldır. Bir sıra başqa ölkələrdən fərqli olaraq mərkəzləşdirilmiş kreditlərə müraciət açıq pəncərə əsasında formalaşmadığı üçün kommersiya banklarının həmin vəsaitlərdən istifadə imkanları məhduddur.
Bayramov hesab edir ki,ölkənin bank sektorunu sağlamlaşdırmaq üçün hər şeydən əvvəl liberallaşma və vicdanlı rəqabət şəraiti lazımdır. --17D—
-
- İqtisadiyyat
- 11 Fevral 2013 14:25
-
- Siyasət
- 11 Fevral 2013 15:36
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz