“Anqlo Asian Mininq PLC” şirkəti “Qarabağda faydalı qazıntıların qanunsuz hasilatı” ilə bağlı bəyanat yayıb

Bakı/20.12.22/Turan: "Anqlo Asian Mininq PLC" bir sıra beynəlxalq təşkilatların və hökumətlərin, o cümlədən Birləşmiş Millətlər Təşkilatı, ABŞ Dövlət Departamenti, Böyük Britaniya Xarici İşlər Nazirliyi və Avropa İttifaqının yüksək vəzifəli nümayəndələrinə "Anqlo Asian"ın fəaliyyəti və hazırda faydalı qazıntıların  hasilatı hüquqlarının başqaları tərəfindən istismar edilməsi ilə bağlı məktub göndərib.  Bununla bağlı şirkət mətbuata açıqlama yayıb.

“Şirkət qanuni biznes hüquqlarını bərpa etmək və "Anqlo Asian" işçilərinin Qarabağdakı "Qızılbulaq" və "Dəmirli" mədənlərinə və ona bitişik kəşfiyyat sahələrinə fiziki çıxışını təmin etmək üçün bu orqanlardan dəstək istəyir”, - deyə məlumatda bildirilir.

Bundan əvvəl, 2006-cı ildə Anglo Asian bu dövlət qurumlarının hər birinə sahiblik prioritetlərini rəsmi şəkildə təsdiqləmək üçün oxşar təsdiq məktubları göndərib. "Anqlo Asian Mininq PLC" Azərbaycandakı əsas aktivlərinə əlavə olaraq, Qarabağda "Qızılbulaq" mis-qızıl mədəni və "Dəmirli" mis-molibden mədəni də daxil olmaqla iki müqavilə sahəsinə malikdir. Bu müqavilə əraziləri Rusiya sülhməramlı qüvvələrinin nəzarətində olan region daxilindədir, lakin şirkət hesab edir ki, bu konsessiya ərazilərində erməni şirkətləri tərəfindən qeyri-qanuni qazıntılar olub və davam edir.

"Anqlo Asian Mininq plc" Azərbaycanda geniş hasilat və kəşfiyyat aktivləri portfelinə malik Orta Asiya qızıl, mis və gümüş istehsalçısıdır. Şirkət 31 dekabr 2021-ci ildə başa çatan il üçün 64,610 unsiya qızıl ekvivalenti hasil edib. 2021-ci ilin dekabr ayında şirkət "Libero Kopper & Qold Korporeyşn"-də 19,8% pay əldə edərək özəl yerləşdirmə həyata keçirdi. "Libero" Kanadadakı "TSX Vençur Eksçeyncer"də siyahıya alınıb və dünyanın ən böyük istifadə olunmamış mis-molibden ehtiyatlarından biri olan Kolumbiyadakı Mokoa da daxil olmaqla, Amerikada bir neçə mis yataqlarına sahibdir və ya əldə etmək imkanına malikdir.

2022-ci il iyulun 5-də Azərbaycan parlamenti şirkətin Hasilatın Pay Bölgüsü Sazişinə düzəlişləri ratifikasiya edib və ona ümumi sahəsi 882 kvadratkilometr olan üç əlavə konsessiyaya, o cümlədən sovet təsnifatına aid 300 min ton resursa  malik Qaradağ porfir mis yatağına sahib olmaq hüququ verib. . 08D