Aprelin 19-da növbəti torpaq hərracı keçiriləcək

Dövlət Torpaq və Xəritəçəkmə Komitəsi aprelin 19-da ölkə şəhər və rayonlarında aylıq torpaq hərracı keçirəcək.

Satışa və icarəyə 269 bələdiyyə torpaq payı çıxarılıb. Bunun yarısı Abşeron rayon yerli özünüidarəetmə orqanlarına aiddir. 2010-cu ilin aprelində start götürmüş hərraclar formal xarakter daşıyır. Hərraclarda rəqabət yoxdur, torpaqlar start qiymətinə satılır ki, bu da bir şox hallarda bazar qiymətindən 10 dəfə aşağıdır.

Abşeronda fərdi yaşayış tikintisi üçün çıxarılan torpaq orta hesabla bir sota görə 250 manata təklif edilir, kommersiya və sənaye obyektləri daha aşağı qiymətə 157 manata satılır. Abşeron kəndlərində torpağın sotu 1500 manatdan 3000 manata civarındadır. 

Ucar rayonunda 36 ha torpaq 54 min manata satılır. Iakin torpağın start qiymətinin dəyərləndirilməsində müsbət məqamlar da var. Məsələn, Balakən rayonunda 3 sota yaxın torpaq hərraca 14 min manata çıxarılıb.

Aprelin 19-na təyin edilmiş torpaq hərracına fərdi evlərin tikintisi üçün torpaq sahələri (136), sahibkarlıq obyektləri (112) və kənd təsərrüfatı ehtiyacları (21) üçün torpaq sahələri çıxarılıb. İcarəyə 218 torpaq payı verilir.

Torpaq sahəsinin satışı və icarəyə verilməsi Azərbaycan bələdiyyələrinin əsas büdcə mənbələrindən biridir.   

2012-ci ildə bələdiyyələrin gəlirlərinin üçdə bir hissəsi (12 mln. manat) torpağın satışının hesabına təmin edilib.

2013-cü ilin yanvar-aprel aylarında bələdiyyələr hərraca 955 torpaq sahəsi (o cümlədən Abşeron rayonunda 377) çıxarıblar. 2012-ci ilin həmin dövründə bu göstərici 873 olub.  08B

 

Rəy yaz

İqtisadiyyat

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti