Əli Həsənov beynəlxalq öhdəlikləri yadına salıb

Hakimiyyətin baş ideoloqu Əli Həsənov birdən-birə Azərbaycanın beynəlxalq öhdəliklərini yadına salıb və vətəndaş cəmiyyəti ilə dialoqdan söz açıb.

“Seçkiqabağı dövrdə biz görüşlər keçirəcəyik və müxalifət qüvvələri ilə tərəfləri narahat məsələləri müzakirə edəcəyik”, - Prezident Administrasiyasının ictimai-siyasi şöbəsinin müdiri Əli Həsənov jurnalistlərlə söhbətində bildirib.

“Biz başa düşürük ki, beynəlxalq birlik, beynəlxalq öhdəliklər var və seçkilər beynəlxalq əhəmiyyət daşıyan məsələdir”, - o vurğulayıb.

Eyni zamanda işarə edib ki, rəsmi Bakı seçki prosesinə kənardan müdaxiləyə yol verməyəcək. “Hamı bilməlidir ki, seçkilərin nəticələrini seçicilər, Azərbaycan xalqı müəyyən edəcək, müxtəlif güc mərkəzləri yox”, - o bildirib və seçki prosesinə hansı müdaxilədən söz getdiyini dəqiqləşdirməyib.  

NDI-nin taleyi ilə bağlı sualın cavabında Ə.Həsənov deyib ki, Bakı Azərbaycan qanunvericiliyini pozan QHT-lərlə əməkdaşlıq etməyəcək. -02D-