![ARDNF-dən dövlət büdcəsinə transfertlər 50%-i keçib](https://turan.az/resized/media/2014/main/072100084813-750-500-resize.webp)
ARDNF-dən dövlət büdcəsinə transfertlər 50%-i keçib
Dövlət Neft Fondundan Azərbaycanın dövlət büdcəsinə transfertlər I yarımildə 4 mlrd 883,8 mln manat və ya gəlirlərin 52,25%-i qədər olub. Bu barədə Maliyyə Nazirliyinin saytında məlumat verilir.
2014-cü ilin I yarısında dövlət büdcəsinin mədaxili 9338,8 mln manat, xərcləri 8723,8 mln manat olub, 615,0 mln manat məbləğində və ya 2,1% büdcə artıqlığı (profisit) yaranıb. Gəlirər üzrə proqnoz 101,6%, xərclər üzrə 94,7% icra edilib.
Gəlirlərin strukturunda neft sektoru birincidir. Vergilər Nazirliyinin xətti ilə büdcəyə 3 578,6 mln manat, Dövlət Gömrük Komitəsinin xətti ilə 732,8 mln manat daxil olub.
Xərclərin strukturunda müdafiə kompleksi çempiondur (+24,5%), mənzil və kommunal təsərrüfatı xərcləri 23,1%, səhiyyə və təhsil xərcləri 7,6%, nəqliyyat və rabitə xərcləri 6,3% artıb. Sosial xərclər 2 mlrd.644,9 mln manat, onun xüsusi çəkisi 30,3%, artımı 14,5% olub.
Bu ilin altı ayında elm, təhsil, səhiyyə, sosial, mədəniyyət, idman və digər sosial-mədəni və məişət təyinatlı obyektlərin tikintisinə və yenidən qurulmasına 1057,2 mln. manat, enerji, su və qaz təchizatı, nəqliyyat, kommunal, meliorasiya infrastrukturlarının tikintisinə, yenidənqurulmasına və digər sahələrə 2315,8 mln manat vəsait yönəldilib.
Naxçıvan Muxtar Respublikasında həyata keçirilən investisiya layihələrinin maliyyələşdirilməsinə 37,1 mln manat vəsait sərf edilib.
Azərbaycanın 2014-cü il üçün dövlət büdcəsinin gəlirləri 18 mlrd 384 mln manat, xərcləri 20 mlrd 63 mln manatdır (kəsir proqnozu 1 mlrd 679 mln manat və ya ÜDM-in 2,87%-i).--17D—
-
- İqtisadiyyat
- 21 İyul 2014 20:02
-
- İqtisadiyyat
- 22 İyul 2014 11:55
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz