İnvestisiya aktivliyi və tikintidə artıma baxmayaraq, armatur istehsalı üzrə rəsmi göstəricilər azalır. Bu bazardakı yeganə şirkət isə gücünün artdığını bəyan edir.
Dövlətstatkoma görə, bu ilin 11 ayında 208,5 min ton armatur istehsal edilib. Bu, ötən ilin eyni dövründəkindən 7,1% azdır. Metallurgiya müəssisələri ötən dövrdə 276,1 mln manatlıq məhsul istehsal ediblər. Bu, ötən ilin eyni dövründəkindən 2,5% azdır. Hazır metal məmulat istehsalı həcmi yarıyacan azalıb və 85,3 mln manat olub.
Bu gün yeganə armatur istehsalçısı “Baku Steel Company” MMC-dir. Şirkət 2012-ci ildə “DHT Metal” MM-in aktivlərini alıb. O, “Baku Steel Construction” ASC-ni də (“Baki Poladtökmə”) idarə edir. 2013-cü il dekabrın əvvəlində “Baku Steel Company” modernləşmədən sonra gücünün 770 mindən 1,1 mln tona çatdığını elan edib.
“Baku Steel Company” MMC bazara 2001-ci ilin I yarısında daxil olub. O vaxt istehsal gücü 350 min ton idi. Şirkətin saytı yazır ki, 10 ildə 2,5 mln ton məhsul istehsal edib. Ölkədə armatur istehsalının dəqiq statistikası yoxdur. Turan-ın araşdırmasına əsasən, yalnız 2005-2011-ci illər üzrə armatur istehsalı məlumatları var. Bu dövrdə 1279,5 min ton məhsul istehsal edilib. Illik orta göstərici 182,7 min ton təşkil edir. Əgər bu göstərici realdırsa, “Baku Steel Company” MMC istehsal gücünün artmasına nədən bu qədər vəsait qoyur. Bu suala şirkətdə cavab vermirlər.
“Baku Steel Company” xammal kimi metal tullantısından istifadə edir. Gömrük Komitəsinin məlumatına görə, 2012-ci ildə xaricdən $395,8-a 101,1 min ton metal tullantısı alınıb. Ehtimal edilir ki, idxalçılar süni surətdə alış qiymətini artırır ki, vergidən yayınsın. 2012-ci ildə ölkədə qara metal tullantısının 1 tonu $170 olub. Həmin il xaricdə 800 kq ferromolibden $23,5 minə başa gəlib.
2012-ci ildə Azərbaycandan 110 min ton polad yarımfabrikat ixrac edilib. Məhsulun bəyan edilən qiyməti 1 ton üçün $529,5 təşkil edib. Bu mal ölkəyə 24% baha ($656,2) gətirilir. DGK-nın məlumatına görə, 2012-ci ildə Azərbaycan qonşu ölkələrdən (Ukrayna, Rusiya, Gürcüstan) 260 min ton armatur idxal edib. 08A
İqtisadiyyat
-
Turan xəbər verir ki, 6 yanvar 2025-ci il tarixindən etibarən Azərbaycandan Bolqarıstana təbii qazın nəqli texniki səbəblərə görə müvəqqəti olaraq dayandırılıb. Bolqarıstanın “Bulgargaz” Enerji Şirkəti tədarükün 2025-ci il yanvarın 11-də bərpa olunacağını elan edib.
-
2024-cü ildə Azərbaycan hava nəqliyyatı vasitəsilə 38 ölkədən 3,523 milyon sərnişin qəbul edib ki, bu da əvvəlki illə müqayisədə 32,1%-lik əhəmiyyətli artımı əks etdirir. Dövlət Turizm Agentliyinin məlumatına görə, ölkəyə gələn ölkələrin sayı üç artırılaraq illik 8,5%-lik genişlənmə əldə olunub.
-
Azərbaycan 2025-ci ildə iqtisadi artım üçün iddialı bir yol xəritəsi təyin edərkən, ölkə öz investisiya portfelini genişləndirmək və innovativ maliyyə alətləri inkişaf etdirmək üçün hazırlaşır. Bu səylər daxili və beynəlxalq investorlar üçün əlverişli mühit yaratmağı hədəfləyir və iqtisadiyyatı neft asılılığından diversifikasiya olunmuş və davamlı inkişafa yönəltməyi nəzərdə tutur.
-
2025-ci ildə Azərbaycan mədəni ənənələri, dini ayinləri və milli xatirə tarixlərini özündə birləşdirən bir sıra dövlət bayramlarını və yas tədbirlərini qeyd edəcək. Nazirlər Kabineti tərəfindən təsdiq edilmiş təqvim vətəndaşlara miraslarını şərəfləndirmək, tarix haqqında düşünmək, ailə və dostları ilə istirahət etmək imkanı verəcək mənalı tarixləri müəyyənləşdirir.
Rəy yaz