ASAN Viza bizə nə verəcək?

Turan məlumat verdiyi kimi, prezidentin fərmanı ilə ölkədə ASAN Viza adı ilə elektron vizaların tətbiqi başlanılır. Bu məsələnin icrası ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi  (ASAN xidmət) məşğul olacaq.

Xidmətin informasiya təminatı şöbəsinin rəhbəri Anar Hüseynov agentliyə bildirib ki, bu yenilik əcnəbilərə və vətəndaşlığı olmayan şəxslərə tez və asan yolla viza əldə etməyə imkan verəcək. Bunun üçün müvafiq məlumatlar elektron formada yerləşdirilməli, dövlət rüsumu ödənilməlidir.

«İcazə sənədi 3 iş gününə verilməlidir, hazır variant müraciət edənin elektron poçtuna göndərilir. Prosedur sadə və rahatdır, ən əsası vaxt itkisi yoxdur. Digər üstünlük ondan ibarətdir ki, sistem mövcud məlumat bazası əsasında geniş işlər üçün informasiya və texniki bazaya çevriləcək. ASAN Viza xidmət göstərilməsi mərkəzlərinin vahid idarəetməsi sitiqamətində vəzifələrin həllinə kömək edəcək. Beləliklə, mərkəzlərdə işləyən əməkdaşların işinin koordinasiyası, onlara nəzarət və fəaliyyətinin qiymətləndirilməsi məqsədinə çatmaq mümkün olur. Dövlt orqanlarının informasiya bazasının qarşılıqlı inteqrasiyasına nail olunur, bu sahədə idarəetmə təkmilləşdirilir», - deyə o bildirib.

Avropa İttifaqının Azərbaycan nümayəndəliyinin rəhbəri Malena Mardın ASAN Vizaya münasibəti maraqlıdır. O, yeniliyi Aİ sakinlərinin turist potensialının yaxşılaşdırılması mülahizələrindən alqışlayıb. Mard deyib ki, bu yaxınlarda Aİ-Azərbaycan biznes forumunda viza rejiminin asanlaşdırılması müzakirə edilib. «Hesab edirəm ki, ASAN Viza böyük uğur qazanacaq», - deyə o bildirib. --17D—