Avropa İttifaqı əvvəlki kimi Rusiyanın enerji daşıyıcılarından həddindən artıq çox asılıdır və energetika ittifaqını kifayət qədər fəal yaratmır, bu barədə Avropa Komissiyasının sədr müavini Maroş Şefçoviç bildirib.
“Biz enerji mənbələrinin müxtəlifləşdirilməsi üzrə fəal addımları davam etdirməliyik”, deyə Reuters agentliyi ondan sitat gətirir.
Aİ ölkələri energetika sistemlərini birləşdirməyə tələsmir, bu, xüsusən zəif planlaşdırma və hökumətlərin başqa ölkələrdən asılı olmaq istəməməsi ilə əlaqədardır.
Şefçoviç elektrik şəbəkələrinin və qaz nəqliyyatı sistemlərinin birləşdirilməsi üçün “təcili siyasi addımlar atmağa” çağırıb.
Tədarüklərin sabit, münasib qiymətli, səmərəli və müxtəlif olması üçün ən az üç tədarükçü lazımdır. Bəzi Aİ üzvləri üçün Rusiya yeganə tədarükçüdür.
Polşanın yeni konservativ hökuməti kömür sənayesinə investisiyaları davam etdirməyi planlaşdırır, bir neçə Avropa şirkəti isə sentyabrda “Qazprom”la “Şimal axını” qaz kəmərinin genişləndirilməsi haqqında razılığa gəliblər ki, bu da Aİ-nin Rusiya qazından asılılığı azaltmaq cəhdinə ziddir. Buna görə Avropa Komissiyası “Şimal axını”nın genişləndirilməsinin Aİ qaydalarına uyğun olduğuna şübhə edir.
Gələn il Avropa Komissiyası maye qaz tədarükünün genişləndirilməsi strategiyasını təqdim edəcək. Gələn ilin fevralında Avropa ölkələrindən ilk olaraq Litva ABŞ-da maye qaz alacaq. -02D-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz