![Avropa Xəzər qazını enerji asılılığından qurtuluş sayır](https://turan.az/resized/750/500/resize/media/2012/main/120400020199.jpg)
Avropa Xəzər qazını enerji asılılığından qurtuluş sayır
Aİ-nin energetika üzrə komissarı Günter Ottinger Avropanın Rusiya qazından asılılıqdan qurtulması üçün Transanadolu qaz kəməri layihəsi üzrə işlərin tezliklə başlamasını istəyir.
“Məh z Xəzər qazı bizi bu asılılıqdan qurtaracaq. Azərbaycan öz ərazisindən ildə 30 mlrd m3 qaz tranziti üçün hazır olmalıdır”, - deyə Ottinger 27-28 noyabrda Frankfurt qaz forumunda bildirib.
O xatırladıb ki, yaxın vaxtlarda Rusiya “Cənub axını” layihəsinə başlayacaq. “Rusiya bu layihənin həyata keçməsi üçün hər şeyi edir. Bununla əlaqədar müəyyən təzyiqlər hiss edirik. Biz də maraqlarımıza cavab verən layihələr məsələsində təzyiq göstərməliyik”, - deyə Ottinger bildirib.
“Əgər “Cənub axını” həyata keçsə, TANAP keçməsə (layihə Türkiyə parlamentində təsdiq edilməyib), türkmən qazı Rusiyaya, oradan daha yüksək qiymətə Avropaya gedəcək”, - deyə o bildirib.
Onun sözlərinə görə, təbii qaz yaxın onilliklərdə Avropada əsas yanacaq növü olacaq, hərçənd kömür də mövqeyini qoruyacaq. Bununla birgə, qeyri-ənənəvi qaz resurslarının inkişafının sürətlənməsinə baxmayaraq, onlar ənənəvi qazı əvəz edə bilməz.
Ottinger deyib ki, Avropa Şurasının 2020-ci ilə kimi gündəliyində enerjiyə qənaətlə bağlı bir neçə məsələ var. Onların ən vacibi “20-20-20” siyasətidir. Bu siyasət Aralıq dənizi regionundan bərpa edilən enerji mənbələrinin idxalı da daxil uğurla həyata keçirilir.
Onun sözlərinə görə, 2020-ci ildə Avropanın qaz tələbatı 600 mlrd m3-ə çatacaq. Onu Norveç, Əlcəzair və Xəzər regionundan çəkiləcək qaz kəmərləri ilə ödəyəcəklər.
“Cənub qaz dəhlizi” 10 mlrd m3 həcmində Azərbaycan qazının nəqli üzrə layihənin həyata keçməsində yaxşı imkandır. Amma layihənin icrası üçün bu, yetərli deyil. Türkiyənin ehtiyacı üçün də 6 mlrd m3 yetməyəcək. Bunu nəzərə alanda Avropaya 10 mlrd m3 tədarük sıfıra enə bilər, bu həcmlə kifayətlənə bilmərik”, - deyə Ottinger bildirib.
Məhz buna görə Avropa müstəqil qaz kəməri çəkilməsi üçün çalışır və TANAP layihəsini dəstəkləyir. Nabucco və TAP layihələrinə gəlincə, bu məsələdə Avropa neytraldır. “Hər iki layihənin həyata keçməsini istəyirik. Nabukko çərçivəsində qazın nəql ediləcəyi ölkələrdə bazarların şaxələnməsi çox vacibdir, Yunanıstanın qaz sisteminin Avropa ilə inteqrasiyasında maraqlıyıq”, - deyə o qeyd edib. Ottinger əminlik ifadə edib ki, Nabukko üzrə işlər 2018-ci ildə başa çatacaq. --0—
-
- İqtisadiyyat
- 4 Dekabr 2012 11:00
-
- Siyasət
- 4 Dekabr 2012 11:16
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz