AXA MBASK zəlzələdən ziyan çəkənlərə ödənişləri başa çatdırıb

AXA MBASK sığorta şirkəti bu ilin may ayında respublikanın şimal-qərb bölgəsində baş vermiş zəlzələlərdən ziyan çəkən müştərilərinə ödəmələri başa çatdırıb. Onların ümumi məbləği 80 min manatdan çox olub.

Mətanət Səmədovaya (Zaqatala) 42.000 manat, Könül Həmidovaya (Şəki) 13.200 manat, Rəmziyə Süleymanovaya (Şəki) 1.200 manat, Hikmət Qafarova (Şəki) 8.677 manat, Adil Süleymanova (Şəki) 9.243 manat və Nərminə Rəsulovaya (Şəki) 7.725 manat ödənilib.

Pul vəsaitləri AXA MBASK şirkətinin zərərlərin keyfiyyətli və operativ tənzimlənməsi strategiyası çərçivəsində maksimal qısa müddətə ödənilib. 

 Azərbaycan Milli Elmlər Akademiyası Respublika Seysmoloji Xidmət Mərkəzinin məlumatına görə, bu ilin may ayının əvvəllərində Zaqatala şəhəri yaxınlığında dörd yeraltı təkan baş vermiş, nəticədə onlarla ev ciddi zədələnmişdi. 

AXA MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir. 

Ödənilmiş nizamnamə fondu 5,73 mln manatdır. 

"MBASK"ın ölkədə 5 filial və təmsilçiliyi var.  Ötən ilin oktyabrında MBASK əsas səhmdarını dəyişib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb. --17D—