2013-cü ilin doqquz ayı ərzində Azərbaycan avişirkətlərnin sərnişin daşınmasından gəlirləri ötən ilin eyni dövründə ümumi sərnişin axını 104,3% olduğu halda 12,8% artıb. Bununla belə bu dövr ərzində onların itkiləri 23,5 mln manat səviyyəsində ölçülür.
Dövlət Statistika Komitəsindən Turana bildiriblər ki, üç aviaşirkətin (“Azerbaijan Airlines”, “Turan Air” və “Silk Way Business Aviation”) sərnişin daşımalardan gəlirləri 191 689,7 min manat təşkil edib. yalnız yay mövsümündə (iyul-sentyabr) aviaşirkətlər 77,8 mln manat qazanıb. Aviaşirkətlərin xərcləri 3,4% artaraq 215 110,9 mln manat təşkil edib.
2013-cü ilin yanvar-sentyabr aylarında Azərbaycanın aviaşirkətləri tərəfindən 1 280,6 min (+4,3%) sərnişin daşınıb. Daşımaların 99,5%-i AZAL-ın payına düşür.
Mütəxəssislər dövlət aviaşirkətlərinin artıq 10 ildən artıqdır davam edən ziyanla işləməsini subyektiv faktorlarla izah edir. Məsələ bundadır ki, bütün yerüstü aeroport xidmətləri, hətta “Azerbaijan Airlines” QSC aviaşirkətinin bortda yemək xidmətləri “Silk Way Holding” şirkətlər qrupu tərəfindən həyata keçirilir. Yerli mətbuatın iddiasına görə, bu holdinq Azərbaycan prezidenti İlham Əliyevin ailə üzvlərinə məxsusdur və yaradılan bütün dövlət infrastrukturundan qeyri-şəffaf hüquqi-müqavilə əsasında istifadə edir.
Nə dövlət aviaşirkəti olan “Azerbaijan Airlines” QSC, nə “Silk Way Holding” MMC normativ-hüquqi aktların tələblərinə zidd olaraq korporativ saytlarda və KİV-də maliyyə hesabatlarını dərc etmir.
2012-ci ildə hava nəqliyyatında sərnişin daşıyanlar 1,6 mln (+14,3%) adam daşıyıb və bununla belə 33,2 mln manat həcmində ziyana düşüb. 08B
İqtisadiyyat
-
COP29 iqlim sammiti çərçivəsində Azərbaycan Respublikasının İqtisadiyyat Naziri Mikayıl Cabbarov Oman İnvestisiya Təşkilatının (OIA) Baş İnvestisiya Rəsmisi İbrahim Əl-İsri ilə vacib görüş keçirib. Görüşdə Azərbaycan ilə Körfəz Əməkdaşlıq Şurasına (KƏŞ) üzv dövlətlər arasında iqtisadi əməkdaşlığın artan dinamikası vurğulanıb.
-
COP29-dakı iki danışıqlar qrupunun mənbələri, 19 noyabr çərşənbə axşamı jurnalistlərə məlumat verib ki, bu həftə Bakıda müzakirə olunan iqlim maliyyələşdirilməsi üçün “Yeni Kollektiv Kəmiyyət Məqsədi”nin (NCQG) həcmi 500 milyard ABŞ dollarını keçməyəcək. Bu məhdudiyyət, ABŞ-da prezident seçkilərindən sonra hakimiyyət dəyişikliyinə görə ABŞ nümayəndə heyətinin danışıqlardakı mövqeyi ilə əlaqələndirilir.
-
G20 liderləri 19 noyabr tarixində Rio-de-Janeyro sammitində yekun deklarasiyada Bakıda keçirilən COP29-da öz danışıqçılarının qarşısında aydın bir tələb qoydular: “Yeni Kollektiv Miqdari Məqsəd”in (NCQG) iqlim maliyyələşdirilməsi üzrə razılaşdırılmadan sammiti tərk etməyin,” – çərşənbə axşamı BMT-nin İqlim Dəyişikliyi üzrə Çərçivə Konvensiyasının (UNFCCC) icraçı katibi Saymon Stiell elan edib.
-
BMT-nin İqlim Dəyişmələri üzrə Çərçivə Konvensiyasının Tərəflər Konfransının (COP29) 29-cu sessiyası çərçivəsində “Dayanıqlı gələcək üçün irsin inkişafı: kənd təsərrüfatı, mədəniyyət və iqlim dəyişikliyinə uyğunlaşma” mövzusunda panel müzakirəsi keçirilib. İCESCO-nun Mavi Zona pavilyonunda təşkil edilən tədbirdə kənd təsərrüfatı irsinin müasir təcrübələrlə inteqrasiyası yolu ilə iqlim dəyişikliyi, biomüxtəlifliyin qorunması və davamlı inkişaf problemlərinin həllinə dair müzakirələr aparılıb.
Rəy yaz