AZAL-ın biletləri bir qədər ucuzlaşa bilər

  Fakt olmasa da, Azərbaycanda aviabiletlərin qiymətlərinin beynəlxalq standartlar səviyyəsinə ucuzlaşacağını gözləmək olar.

Prezident İlham Əliyev hökumətin yığıncağında AZAL-ı süni qiymət artımına görə tənqid edib.

Əliyev qiymət artımının əsassız olduğunu göstərən bir sıra arqumentlər gətirib:

Yerli kerosin ucuzdur,

Aviaşirkət dövlət subsidiyaları alır,

Aviapark dövlət büdcəsi hesabına formalaşır,

Aeroportlar dövlətin hesabına tikilir.

Maliyyə və İqtisadiyyat Nazirliklərinə tapşırılıb ki, aviabiletlərin artımının qarşısını almaq üçün mexanizmlər hazırlasın.

Əlbəttə, aviabiletlərin qiymətlərinin müəyyən qədər ucuzlaşmasını gözləmək olar. Amma xarici daşıyıcıların iştirakı ilə rəqabət yaratmadan köklü dəyişiklik gözləmək olmaz. Hökumət buna getməyəcək, çünki qapalı sxemlə işləyir. Turan qeyd edir ki, ildən-ilə aviadaşımaların artmasına baxmayaraq, itkilərin və dövlət subsidiyalarının artmasına aydınlıq gətirilmir.

Dövlər Mülki Aviasiya Administrasiyası, həmçinin İqtisadiyyat Nazirliyi yanında Antiinhisar Siyasəti və Istehlakçıların Hüquqlarının Müdaifəsi Dövlər Xidməti “Azerbaijan Airlines” aviaşirkətinin hərəkətinə reaksiya vermir.

Aviaşirkət 2014-cü ilin ikinci rübündən bu günə qədər dövlər orqanlarına maliyyə fəaliyyəti ilə bağlı statistik məlumatlar təqdim etmir, ona görə onun rentabelli işləyib- işləməməsi bəlli deyil.

Son illərdə Azərbaycanda sərnişin daşımalarının artım tempi ildə orta hesabla 12%-dir. 2014-cü ildə yerli aviaşirkətlər sərnişin daşıma ilə bağlı növbəti rekord əldə edib - 1790,4 min (+7,6%). Sərnişinlərin 99,9%-i AZAL-ın payına düşür.

Amma yenə qısamüddətli aksiyalar istisna, biletlərin qiymətləri azalmır. Azərbaycanda bir sıra xarici aviaşirkətlər də uçuşlar həyata keçirir, amma onlar AZAL-ın pul diapazonuna uyğunlaşır: Aeroflot Russian Airlines, Austrian Airlines, British Airways, Dalavia Airways,  Donbassaero Airlines,  Imair Airlines, Kolavia, Rusiya Hava Yolları, Air Company Scat, S7 Airlines, Ural Airlines, Uzbekistan Airways, Gatar Airways, Turkish Airlines və s.

Turan  qeyd edir ki, daha çevik tarifi rejimi həyata keçirsə, AZAL beynəlxalq xətlərdə daha çox sərnişin daşıya bilərdi. Amma şirkət inhisardan istifadə edib, rəqabət olmayan xətlərdə yüksək tariflər tətbiq edir. AZAL turistlərin rahatlığı, tələbələr və s üçün ucuz ekonompaket təklif edən bir sıra xarici aviaşirkətləri yerli bazara buraxmır.

Dünya praktikası göstərir ki, qiymətlərin ucuzlaşmasına büdcə aviaşirkətləri – loukosterlər təsir edə bilər. Onlarda qiymət məşhur şirkətlərdən ucuzdur.  Məsələn, loukosterlər Parisdən Madridə 20 avroya uçuş təklif edə bilər.

Daxili aviaxətlərdə yüksək qiymətlər problem olaraq qalır. Naxçıvan istisna, onlar praktik olaraq işləmir. Prezidentin sevmədiyi Almaniyada vətəndaşlar şəhərdən şəhərə taksi qiymətinə – 20-40  avroya uçur.

“Azerbaijan Airlines” Avropa, ABŞ, Asiya və MDB üzrə 57 istiqamətdə 30 təyyarə istismar edir. AZAL-ın aviaparkında 7 Airbus A-320, 4 Boeing-757-200, 3 Airbus A-319, 2 Airbus A-340 və 2 Boeing-767-300ER, Boeing-787 var.

2015-ci ildə Skytrax marketinq şirkəti AZAL-a World Airline Awards reytinqində 100 şirkət arasında 66-cı yeri verib.—0--