Dövlət "Azəravtoyol" ASC-də struktur dəyişiklikləri edilib. 110 müstəqil şöbədən 96-sı qalıb və onlar öz fəaliyyətini yeni təşkilati-hüquqi formada davam etdirəcək.
"Azəravtoyol" ASC-nin yol-istismar və başqa idarələri məhdud məsuliyyətli cəmiyyətə çevrilib. Şirkətin mətbuat xidmətində Turan-a bildiriblər ki, bu islahatlar çərçivəsində 7 müəssisə yardılıb. Onlar əsas magistral avtomobil yollarının (Bakı - Quba-RF dövlət sərhədi, Bakı - Ələt – Astara - İran dövlət sərhədi, Bakı - Şamaxı - Muğanlı, Yevlax - Zaqatala - Gürcüstanın dövlət sərhədi və s) istismarı ilə məşğul olacaq.
Yeni struktura əsasən, “Azəravtoyol” ASC yanında Bakıda 10, regionlarda 55 yol-istismar müəssisəsi (YİM), eləcə də 10 xüsusi təyinatlı YİM,10 avtoyol boyu müdafiə zolağının yaşıllaşdırılması müəssisəsi və s var.
"Azəravtoyol" ASC-nin balansında ümumi istifadədə olan 17529 km uzunluqda avtomobil yolu var. Bunun 4385 km-i respublika əhəmiyyətli, 13158 km-i isə yerli əhəmiyyətli avtomobil yollarıdır. Bu yollardan 2670 kilometri hazırda Ermənistan tərəfindən işğal olunmuş ərazilərdə qalıb. Cəmiyyətin balansında 1299 ədəd körpü var. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz