Azərbaycan 2015-ci ilin büdcəsini korrektə edəcək

Azərbaycan hökuməti neftin ucuzlaşması ilə bağlı 2015-ci ilin büdcəsinə yenidən baxacaq. Bu barədə Fitch Ratings agentliyi məlumat verir.

"2014-cü ildə təsdiq edilən büdcədə neftin barreli 90 dollar olmaqla 2,8% ÜDM kəsiri nəzərdə tutulub. Manatın yumşaldılan məzənnəsi neft gəlirlərindən zərbəni azaltsa da, hökumət infrastruktur xərclərini də azaldacaq. Bunlar büdcənin böyük kəsirnin qarşısını alacaq. 2014-cü ildə büdcə 2,9% kəsirlə icra edilmişdi", - deyə hesabatda bildirilir.

Fitch analitiklərinin fikrincə, bu, hökumətə imkan verəcək ki, ARDNF aktivlərinin ciddi azalmasından yayınsın. 2014-cildə Fondun aktiəri 37,1 mlrd dollar və ya ÜDM-in 49%-i qədər olub.

Hesabata əsasən, bank sektoru zəifdir və manatın məzənnəsinin düşməsi onlar üçün şok olub. Bankların 1,7 mlrd dollar valyuta mövqeyi var (43%). Xarici valyuta kreditləri 2014-cü ildə ümumi kreditlərin 27%-i olub.

Manatın məzənnə dəyişməsi məcmu kapital yetərliliyini 2% azaldıb. Ötən il bu göstərici 19% idi.

"Cari əməliyyatlar hesabının profisiti 2013-cü ildəki 16,6%-dən 2014-cü ildə 13,7%-ə düşüb. Bundan sonra o, 6%-dək azalacaq, 2016-cı ildə isə artaraq 8%-ə çatacaq", - deyə hesabatda bildirilir.

Neftin ucuzlaşması Azərbaycan iqtisadiyyatında mənfi şok yaşadıb. Ölkə ixracatının 90%-dən çoxu neft-qaz sektorunun payına düşür.

Hesabata əsasən, 2015-ci ildə iqtisadi artım 1,5%-ə düşəcək. Neftin qiymətinin sabitləşməsi nəticəsində iqtisadi artım 2016-cı ildə 3,5%-ə çatacaq.

Fitch qeyd edir ki, şaxələndirmə, idarəetmənin təkmilləşdirilməsi islahatlar Azərbaycanın reytinqinə müsbət təsir edə bilər.

Fitch Ratings Azərbaycanın xarici və milli valyutada emitentin defoltunun uzunmüddətli reytinqini (“EDR”) “BBB-” səviyyəsində təsdiqləyib. Reytinq üzrə proqnoz  - “Sabit”dir.

  Agentlik həmçinin Azərbaycanın xarici və milli valyutada təmin edilməmiş bondlarının reytinqini də “BBB-” səviyyəsində təsdiqləyib.

 Hesabatda qeyd olunur ki, ictimai və xarici maliyyələrə təzyiqin azaldılması üzrə cavab tədbirləri və  ölkənin təmiz kreditor kimi güclü mövqeyinə dəyən ziyanın məhdudlaşdırılması reytinq üçün əsas olub.

“Milli valyutanın məzənnəsinin dəyişdirilməsi ölkənin suveren reytinqi üçün neytral faktordur. O, neftin qiymətinin aşağı olması ilə əlaqədar olaraq maliyyə və xarici korrektəyə kömək edəcək, ancaq 10 faiz inflyasiyaya gətirib çıxara bilər, bu da özəl istehlaka mənfi təsir edəcək və Azərbaycanın müəyyən suveren dəstək istəyən banklarının aktivlərinin keyfiyyətinə təzyiqə gətirib çıxara bilər”, - deyə hesabatda bildirilir.

Azərbaycan Mərkəzi Bankının (AMB) fevarlın 21-də veridiyi qərara əsasən, manatın məzənnəsi dollara nisbətdə 1,05 manata qədər aşağı salınıb, bu da məzənnənin 33,9 faiz ucuzlaşması deməkdir.