2013-cü ildə Azərbaycanın balıq şirkətləri və fiziki şəxslər 793,8 ton balıq tutub. Bu, 2012-ci ildəkindən 116,8 ton çoxdur. Amma ümumi kvota mənimsənilməyib.
Ekologiya və Təbii Sərvətlər Nazirliyinin məlumatına görə, Xəzər cə daxili sututarlarda (Ceyranbatan və Şəmkir su anbarları, Sarısu gölü) ümumi ov həcmi 1 166,8 ton olub. Ovlanmış balığın 206 tonu kilkə (2012-ci ildə 372 ton), 150 tonu siyənək (126), 125 tonu kefal (125), 117 tonu kütüm (80), 72 tonu külmə (62), 59 tonu (64) çapaq balıqlarının, qalanı isə digər balıq növlərinin payına düşüb. Balıqçılar tərəfindən kvotanın alınması üçün 16,4 min manat ödənilib.
Dövlətstatkoma görə, 2012-ci ildə ölkədə 57 667 ton balıq tutulub. Bunun 56,3 min tonu fiziki şəxslərin payına düşür. Bu, qeyri-leqal ov sayılır və ev təsərrüfatlarında istifadə və istehlak həcmi ilə müəyyən edilir. Amma mütəxəssislər bu rəqəmlərlə razılaşmır və onu şişirdilmiş sayır.
Azərbaycanda balıq və balıq məhsulları ətdən çox az istifadə edilir. Bunu bazarda təklif və balıq mağazalarının sayından da görmək olar. --0--
İqtisadiyyat
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
-
Azərbaycanda Avropada, Yaxın Şərqdə və Afrikada ayaq və ağız xəstəliyi və yüksək patogen quş qripi epidemiyalarının yayılması ilə əlaqədar olaraq, bəzi bölgələrdən iri buynuzlu heyvanların, quşların və onlarla əlaqəli məhsulların idxalı müvəqqəti olaraq dayandırılıb. Bu barədə ölkənin Qida Təhlükəsizliyi Agentliyi (AQTA) məlumat yayıb.
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
Rəy yaz