Azərbaycan duzu iki dəfə ucuzlaşıb

Azərbaycan yodlaşdırılmış  duzun ixrac həcmini 5,6 dəfə artırıb. Bununla əlaqədar xaricdə satışdan daxilolmalar üç dəfə artıb.

Dövlət Gömrük Komitəsinin (DGK) məlumatına görə, bu ilin üç rübündə duzun ixrac həcmi 8 114,5 ton təşkil edib. Azərbaycan duzu əvvəlki üç ildə olduğu kimi, Gürcüstanda da istehlak edilir. Məhsulun bir tonu $76,95-a satılıb. 2015-ci ilin 9 ayında Gürcüstana duz orta hesabla $141,9-a  göndərilib.

DGK-nın məlumatına görə, yanvar-sentyabr aylarında duzun idxal həcmi 22,7% artaraq 10 min 246 ton təşkil edib. Duz xaricdə 120,3$/ton-a satılır ki, bu da 2015-ci ildə olduğundan 2 dollar ucuzdur.

Duzun pərakəndə satış qiyməti bir kiloqrama görə 0,60-1 manatdır ($0,33-0,55).

Dövlət Statistika Komitəsinin məlumana görə, bu ilin 10 ayında qida üçün yararlı olan yodlaşdırılmış duzun istehsal həcmi 49,3 min ton təşkil edib ki, bu da ötən ilin müvafiq dövrü ilə müqayisədə 76,3% çoxdur.

 “Azersun Holding”dən başqa “Naxcıvan Duz İstehsalı” MMC və fiziki şəxs (Tehran Rəşidiov) duz istehsalı ilə məşğul olur.

Ərzaq balansına görə, 2015-ci ildə Azərbaycanda 37 min ton duz istehlak edilib ki. bu da əvvəlki ildə olduğundan 1,5 min ton çoxdur. İstehlakın üçdə bir hissəsi (13,6 min ton) idxalın hesabına təmin edilib.08B