![Azərbaycan güclü sosial dövlətdir, deyə prezident bildirir](https://turan.az/resized/media/2013/main/100200052002-750-500-resize.webp)
Azərbaycan güclü sosial dövlətdir, deyə prezident bildirir
Azərbaycan sosial dövlətdir. Bunu prezident İlham Əliyev oktyabrın 1-də Bakıda müharibə və əmək veteranları üçün pansionatın açılışında deyib. O, sosial dövlətin tərifini də verib: bu, sosial sahəyə xüsusi diqqət yetirən dövlətdir.
Seçki kampaniyasında prezidentliyə namizədlər teledebatlarda sosial dövlət yaradılması vəd edirlər. Dövlət başçısının dediklərini rəqiblərə cavab saymaq olar.
Ölkə konstitusiyasında sosial dövlət olmaq barədə birbaşa fikir yoxdur. İkinci fəslin 7-ci maddəsində qeyd edilir ki, Azərbaycan demokratik, hüquqi, dünyəvi, unitar dövlətdir. 16-cı maddədə deyilir: Azərbaycan dövləti xalqın və hər bir vətəndaşın rifahının yüksəldilməsi, onun sosial müdafiəsi və layiqli həyat səviyyəsi qayğısına qalır.
Amma Yeni Azərbaycan Partiyasının proqramında əsas hədəflərdən biri kimi «sosial dövlət yaradılması ideyası » (sosial ədalət) göstərilir.
İqtisadçılar İlham Əliyevlə qismən razılaşır. Nazirlər Kabinetinin sabiq əməkdaşı Oqtay Haqverdiyev hesab edir ki, dövlət öz üzərinə sosial yük götürüb, onları dövlət büdcəsinin hesabına həll edir. Bunlar aztəminatlı ailələrə müavinət verilməsi, müəyyən qrupların sosial təminatıdır (köçkünlər, müharibə veteranları, əlillər və s.). Amma sosial ədalətdən danışmaq tezdir. Amma sosial ehtiyacların maliyyələşməsinin xüsusi çəkisi dövlət büdcəsindən investisiya ayırmalarından ciddi şəkildə geri qalır.
Milli Büdcə Qrupunun eksperti Kənan Aslanlının fikrincə, Azərbaycan sosial rifah dövlətinin tələblərinə daha çox uyğun gəlir.
2013-cü ildə sosial ehtiyaclara büdcə xərcləri 2,2% azalaraq 4 298 mln manat və ya büdcənin xərclərinin 21,7%-i qədər olub. Mütləq rəqəmlərlə dövlət büdcəsindən sosial xərclər cəmi 83,6 mln manat artıb. Səhiyyə xərcləri 0,5% (3,6 mln), təhsil xərcləri 1,2% (18,9 mln), sosial müdafiə xərcləri -1,5% (27,9 mln) artıb.
Beynəlxalq ensiklopediyalarda sosial dövlət və sosial rifah dövlətinə bu təriflər verilib.
Sosial dövlət maddi nemətləri sosial ədalətlə bölən, sosial fərqləri yumşaldan, ehtiyacı olanlara kömək edən dövlətdir.
Sosial rifah dövləti gəlirləri yenidən bölməklə cəmiyyətin bütün üzvlərinə sosial hüquqlar təmin edən dövlətdir. 08B
-
- Cəmiyyət
- 2 Oktyabr 2013 17:32
-
- İqtisadiyyat
- 2 Oktyabr 2013 17:58
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz