«Azərbaycan Kredit Bankı» ASC rəhbərliyi gücləndirmək qərarına gəlib. Emil Rzayev bankın Müşahidə Şurasına yeni rəhbər təyin olunub. O, əvvəllər «BTB Bank» ASC İH-nin sədri olub. Bu bankın səhmlərinin çoxu Prezident Administrasiyasının rəhbəri Ramiz mehdiyevin ailəsinə məxsusdur. «Azərbaycan Kredit Bankı» ASC-nin mətbuat xidmətinin məlumatına görə, indiyə qədər “Azərbaycan Kredit Bankı”nın Müşahidə Şurasının sədri vəzifəsini müvəqqəti olaraq bankın 3 əsas səhmdarından biri Abbasov Şirxan Mail oğlu icra edib.
Müşahidəçilər bu addımı nizamnamə kapitalının azlığı (11,43 mln manat) və minimum tələbi (50 mln) yerinə yetirmək imkanının olmamsı ilə əlaqələndirir. Demək, bu bank daha iri bankla birləşə bilər.
«Azərbaycan Kredit Bankı» ASC 2005-ci ildə lisenziya alıb. Səhmdarları Şirxan Abbasovun üç ailə üzvüdür (36,64%). --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz