Azərbaycan Nijni Novqoroddakı "Krasnoe Sormovo" gəmiqayırma zavodu ilə iki tankerin tikintisinə dair danışıqlar aparır. Rusiya KİV-inin məlumatına görə, saziş layihəsi məbləğ və müddət göstərilməklə Azərbaycan tərəfinə göndərilib.
Söhbət RST-27 layihəsinə aid tankerlərdən gedir. Bu gəmilərdən dəniz və qarışıq (çay-dəniz) yolla xam neft və neft məhsulları daşınmasında istifadə olunur.
Turan-ın məlumatına görə, RST-27 tankerlərin dedveyti 7 min ton, uzunluğu 140 m, eni 16,7 metrdir. Onların sürəti 21,67 km/saat, ekipajı 12 nəfərdir.
Azərbaycanın Xəzərdə tanker sayını artırmaq arzusu aydındır: Türkmənistan və Qazaxıstandan neft və neft məhsullarının daşınması həcmi artır. Ötən il BTC ilə Xəzərin sağ sahilindən 5,2 mln ton neft nəql edilib. 3 mln ton Tenqiz nefti isə dəmir yolu ilə Batumi və Kuleviyə nəql edilir. Azərbaycan Türkmənistanın neft məhsullarını da nəql edir. Azərbaycanın neft flotiliyası ildə 10 mln ton neft daşımaq gücündədir.
Qəribə olan Azərbaycanın sifarişi Rusiyaya verməsidir. Axı ölkədə müasir gəmiqayırma zavodu var.
2013-cü ilin sentyabrında Baku Shipyard Company (BSC) gəmiqayırma və gəmi təmiri zavodu istifadəyə verilib. Onun səhmdarları SOCAR (65%), Azərbaycan İnvestisiya Şirkəti (25%) və Sinqapurun Keppel Offshore & Marine (10%) şirkətidir.
Zavod tikilən zaman bəyan edildi ki, ildə 15 min ton dedveytli dörd və ya 70 min ton dedveytli 2 tanker istehsal edə bilər. Zavod il ərzində 4 dəniz təminatı və yedək istehsal edə, 80-100 müxtəlif gəmi, eləcə də hərbi gəmi təmir edə bilər. Sonra hərbçilər özünə ayrıca zavod tikdi. SOCAR-ın zavodu isə “Şahdəniz-2” çərçivəsində bir sifariş aldı.
Zavodun tikintisinə $470 mln xərclənib. SOCAR 2014-2015-ci illərdə neftçilər üçün iki sərnişin gəmisinin tikintisinə $70 mln xərcləyib. Gəmiləri Avstraliya zavoları hazırlayıb.
Turan müəyyən edib ki, Rusiya zavodlarında istehsal edilən RST-27 tankerlərinin qiyməti $12-15 mln təşkil edir. "Krasnoe Sormovo" gəmiqayırma zavodu hər iki tankeri bir ilə tikə bilər. BSC-də isə bu proses qaydaya salınmayıb. Digər tərəfdən, gəmi tikintisi baha başa gəlir. Böhran vaxtı vəsaitə qənaət edilməlidir. –12В—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz