Azərbaycan yatağı ilə bağlı Londonda məhkəmə olacaq

Credit Suisse London Ali Məhkəməsində 2014-cü ilin oktyabrında $7 mln-luq iddia ilə Azərbaycanın iri offşor neft-qaz layihələrinin birinin satışı hüququ ilı bağlı məhkəmə çəkişməsində olacaq.

Reuters-in məlumatına görə, hazırda Mayfair Energy London qrupunun sədri gürcü biznesmen Zaur Leşkaşeli İsveçrə bankını müqaviləni pozma və səhlənkarlıq iddiası ilə məhkəməyə verib. Bank “Kürovdağ” layihəsində şirkətlərindən birinə məxsus olan payı 2008-ci ildə satıb.

Leşkaşeli bildirir ki, Credit Suisse potensial alıcılardan, o cümlədən Tata Petrodyne və Petrovietnam Corp-dan sifarişlərə düzgün baxmayıb və yatağı ucuz qiymətə satıb. 

Məhkəmə 13 oktyabr 2014-cü ildə başlayacaq və 28 gün davam edəcək. 

Credit Suisse başqa şərh verməyib. 

* Turan-ın məlumatına görə, Leşkaşeli 1997-ci ildə Bakıda olub. O vaxt Caspian Energy Group şirkətini yaradıb. Tezliklə ARDNŞ ilə “Kürovdağ” blokunun işlənməsi üzrə Shirvan Oil şirkəti yaradılıb. 5 noyabr 2004-cü ildə saziş bağlanılıb və 30 aprel 2005-ci ildə Milli Məclisdə təsdiq edilib. Tərəflərin payı bərabərdir: 50:50. 2008-ci ilin əvvəlində layihənin operatoru dəyişib və Global Energy olub. O, Britabiyanın Vircin adalarında qeydiyyatdan keçib. Hazırda 80% paya malikdir. Global Energy rusiyalı biznesmen Mixail Qutseriyevlə bağlıdır. 

“Kürovdağ” yatağı 1955-ci ildə aşkarlanıb və Azərbaycanın ən böyük quru yatağıdır. İşlənməsinə 1956-cı ildə başlanılıb. Hazırda 13 600-3500 metr dərinlikdə 13 məhsuldar layı var. Hasilat dövründə burda 38 mln ton neft çıxarılıb. Bunun 1,6 mln-u Shirvan Oil-un payına düşür. Maksimal hasilat 1966-cı ildə gündə 40 min barrel olub. 1977-ci ildən hasilat 3 min barrelə düşüb. --12B--