"Transneft" və ARDNŞ RF ərazisi ilə neft nəqli üzrə danışıqlara başlayıb

Rusiya tərəfi bildirir ki, RF ərazisi ilə neft nəqli üzrə danışıqlar başlayıb.

"Transneft" inhisarının təmsilçisi İqor Dyomin bildirib ki, 3 illik fasilədən sonra ARDNŞ ilə "Transneft" RF ərazisi ilə neft nəqli üzrə danışıqlara başlayıb.

“Tranzit neftinin keyfiyyəti məsələsi hələ qaldırılmayıb, amma nəql həcmi az olduğu üçün Azərbaycan neftinin keyfiyyətinin qorunmasından danışmaq tezdir. Keyfiyyəti qorumaq üçün neft partiyalarla nəql edilə bilər, amma onda qiymət artacaq”, - deyə Dyomin bildirib. 

Azərbaycan neftinin RF ərzisi ilə nəqli barədə hökumətlərarası saziş (Bakı-Novorossiysk ilə) 18 yanvar 1996-cı ildə imzalanıb. Sazişə əsasən, tərəflərdən biri sazişə qarşı çıxmasa, sənəd gələn il qüvvəyə minir. Amma 5 may 2013-cü ildə RF baş naziri Medvedev bu sazişin 1 yanvar 2014-cü ildən dayandırılması barədə sərəncam verib. Sənəd 14 mayda çap olunub. Demək, ilin sonuna qədər tərəflər razılığa gəlməsə, Azərbaycan neftinin Bakı-Novorossiysk ilə nəqli dayanacaq. 

Bu, baş versə, Azərbaycan heç bir çətinliyə düşməyəcək və ya hasilat şirkətləri itki ilə üzləşməyəcək. 

Azərbaycan tərəfi RF ərazisi ilə ildə 2 mln ton neft nəql edirdi. Bunun yarısı ölkənin, qalanları quruda neft çıxaran şirkətlərin idi. ARDNŞ şimala göndərdiyi həcmi emal etsə, gəlirləri 2,5 dəfə artacaq. Şirkətlər isə öz neftlərini Gürcüstan limanlarına tədarük edib müştərilərə Rusyanın Urals neftindən daha keyfiyyətli neft verəcək. Bununla onlar dəmir yolundakı xərcləri ödəyəcəklər. --12В--