Azərbaycanda əmək haqqının artırılması rifahın yüksəlməsi demək deyil

Dünən dövlət başçısının sərəncamı ilə büdcə təşkilatlarının sosial təminat, kənd təsərrüfatı, meşə təsərrüfatı, meliorasiya və su təsərrüfatı, ətrafın mühitin qorunması, qidrometrologiya və balıqçılıq sahələrində çalışanların əmək haqqı 10% artıb. Artım sentyabrın 1-dən tətbiq ediləcək. 

Deputat Vahid Əhmədovun sözlərinə görə, pensiyaçılar və əhalinin aztəminatlı təbəqəsi də bu günlərdə pensiya və sosial müavinətin 15% artımına ümid edə bilər. Büdcə təşkilatlarında çalışanların rifahının yüksəldilməsi üçün vəsaitlər bu ilin büdcəsində nəzərdə tutulub. Ancaq Maliyyə Nazirliyi də daxil olmaqla heç bir təşkilatda maaş, pensiya və müavinətlərin artımı üçün büdcədə nəzərdə tutulan vəsaitlərlə bağlı dəqiq rəqəm açıqlanmadı. İlin əvvəlində dövlət başçısı prezident seçkiləri ərəfəsində bir sıra sosial addımların anonsunu vermişdi. Prezident bildirmişdi ki, ölkədə orta aylıq əmək haqqı 500 dollar, orta pensiya isə 200 dollardır. 

Turan bir qədər əvvəl yazırdı ki, inflyasiya prosesləri və dövlət büdcəsi haqqında qanunun icrasının gedişi əhalinin rifahı əhəmiyyətli dərəcədə artmadan əmək haqqını 10% artırmağa imkan verir. Hətta kütləvi sənət sahiblərinin (müəllim və həkimlərin) pensiya və maaşının artımı ilə bağlı şayiələr də yeyinti məhsullarının və iqtisadiyyatın real sektorunun bütün məhsullarının qiymətinin artımına gətirib çıxarır. 

Bir qayda olaraq Azərbaycanda maaşların, pensiyaların və sosial müavinətləri artımı ictimai monitorinq və strateji araşdırmalar əsasında deyil, əhəmiyyətli siyasi hadisələr, seçkilər ərəfəsində artır. Ötən ilin dövlət büdcəsi deputatlara onun təsdiqindən bir həftə əvvəl nə xalq nümayəndələri, nə də qeyri-hökumət təşkilatları ilə razılaşdırmadan paylanır. 

Dövlət Statistika Komitəsinin rəqəmlərinə əsasən, Azərbaycanda ən aşağı əmək haqqını təhsil (ayda orta hesabla 283 manat) və səhiyyə işçiləri (164 manat) alır. 2012-ic ildə dövlət qulluqçularının əmək haqqı (təxminən 29 min adam) orta hesabla 448,3 manat təşkil edib. Hökumət və dövlət məmurları 800 manatdan min manata qədər və daha çox əmək haqqı alır. 

 İqtisadi fəaliyyət sahəsində daha çox hasilat sənayesi, təyyarəçi, rabitəçilər, maliyyə və sığortaçılar, nəqliyyat və tikinti sahəsində çalışanlar alır. --17D—