Azərbaycan mobil telefon bazarında “Nokia” şirkətinin bazar payı bu ilin yanvar-sentyabr aylarında 21,8%-dən çox azalıb. Ötən ilin müvafiq dövrü ilə müqayisədə şirkətin bazar payı 36%-dək azalıb. Bu barədə Azərbaycan Rabitə və İnformasiya Texnologiyaları Nazirliyinin rəsmi saytı məlumat yayıb.
Məlumatda deyilir ki,buna baxmayaraq, hazırda bu şirkətin telefon satışları lider mövqeyini itirmir və ölkənin mobil qurğu bazarında 36,79% təşkil edir. Avqust göstəriciləri ilə müqayisədə, sentyabrda “Nokia”nın bazar payı 4,4% artıb.
“Global Stats”ın proqnozlarına əsasən, sentyabrda “Samsung”un bazar payının 2,5% azalması müşahidə olunub. Buna baxmayaraq koreyalı istehsalçılar mobil qurğularına olan tələbata əsasən, 29,95% bazar payı ilə ikinci yerdə qərarlaşıb.
Yanvar göstəricisi ilə müqayisədə sentyabrda Azərbaycanda “Samsung”un bazar payı 35,52% artıb, bu da ötən illə müqayisədə 82% artım deməkdir.
Sentyabrda satış həcmlərinə görə üçüncü yeri tutan “Apple” şirkətinin mobil qurğularının bazar payının 5,57% azalması qeydə alınıb, son 9 ay ərzində isə “Apple” şirkətinin payı 24% artıb.
“Apple” şirkətinə ölkənin mobil telefon bazarının 12,72%-i məxsusdur, bu da ötən ilin müvafiq dövrü ilə müqayisədə 22% çoxdur.
Satış həcmlərinə görə dördüncü yerdə 12,42% bazar payı ilə əsasən Çin şirkətləri olan, tanınmayan istehsalçılar olub. Sonra 2,2% bazar payı ilə “Blackberry”, 2,11%-lə - “Sony”, 1,95%-lə - “HTC”, 0,71%-lə - “LG”, 0,69%-lə - “Huawei” və 0,25%-lə “Google” şirkətləri gəlir.-03D-
İqtisadiyyat
-
Fevral ayının sonunda Pakistan və Azərbaycan hökumətlərinin 2 milyard dollarlıq sərmayə müqaviləsi imzalaması gözlənilir ki, bu müqaviləyə SOCAR (Azərbaycan Dövlət Neft Şirkəti) ilə bir neçə layihə də daxil olacaq. Turan informasiya agentliyinin verdiyi məlumata görə, yanvar ayında İslamabad və Bakıda müzakirə olunan enerji əməkdaşlığı layihələri müqavilədə yer alacaq. Bu layihələr arasında enerji səmərəliliyi təşəbbüsləri, boru kəmərinin tikintisi və SOCAR-ın Pakistanda yeraltı qaz anbarlarının yaradılması layihələrini araşdırmaq niyyəti yer alır. Həmçinin, Pakistan tərəfindən ölkədəki neft-qaz yataqlarının kəşfiyyatı və hasilatı ilə bağlı təqdim olunan sənədlər də bu müqaviləyə daxil olacaq.
-
Azərbaycan, içməli və suvarma su təchizatlarını təsir edən kəskin su qıtlığı ilə üzləşməyə davam edir. Bu problem, tez-tez mətbuatın diqqətində olmasına baxmayaraq, hələ də həll edilməyib. Xüsusilə fermerlər bu vəziyyətdən ciddi təsirlənirlər.
-
Azərbaycanın Dövlət Vergi Xidmətinin (DVX) nümayəndələri Alman-Azərbaycan Xarici Ticarət Palatası tərəfindən təşkil edilən vergi, gömrük və hüquqi məsələlər üzrə işçi qrupunun növbəti iclasında iştirak ediblər.
-
Kiçik və Orta Biznesin İnkişafı Agentliyi (KOBİA) sahibkarlara 192 startap sertifikatı təqdim edib, onların təxminən 50%-i isə gənclərdir. Bu barədə KOBİA-nın İdarə Heyətinin sədri Orxan Məmmədov V Gənc Sahibkarlar Forumunda Bakı şəhərində məlumat verib. Bu bəyanat, hökumətin ölkənin gənc sahibkarları arasında innovasiyanı dəstəkləməyə daha çox diqqət ayırdığını göstərir.
Rəy yaz