![Azərbaycanda qadınların sayı azalır](https://turan.az/resized/./turan-750-500-resize.webp)
Azərbaycanda qadınların sayı azalır
Son illər əyalətlərdə selektiv abortlar atsa da, Azərbaycanda qadınlar əhalinin 50,2%-i təşkil edir. Mütləq rəqəmlərlə onların sayı 4 mln 820,2 min nəfərdir.
Dövlət Statistika Komitəsinin 8 Martla əlaqədar verdiyi məlumata görə, qadınların 57,1 faizi nəsilvermə qabiliyyətinə malikdir (orta hesabla hər qadın dünyaya 2,2 uşaq).
Selektiv abortların təsirini o fakt göstərir ki, 2013-cü ildə doğulanların (ötən il üçün hesabat hazır deyil) 170,5 mini (46,4%) qızdır.
Hazırda ölkədə 21 doğum evi, 152 qadın məsləhətxanası, 282 uşaq poliklinikası var. Qadınlar arasında gözlənilən ömür uzunluğu kişilərdən 5,2 yaş çox - 76,8 yaşa bərabərdir.
Ölkə Azərbaycan qadınlarının məşğul əhalinin ümumi sayındakı xüsusi çəkisi 48,4 faizdir. Ümumi təhsil müəssisələrində müəllimlərin 76,6 faizi, orta ixtisas təhsil müəssisələrində 75,1 faizi, ali təhsil müəssisələrində 48,8 faizi, həkimlərin isə 64,9 faizi qadınlardır. Ümumi təhsil müəssisələrində şagirdlərin 45,8 faizi, orta ixtisas təhsil müəssisələrində oxuyanların 67,4 faizi, ali təhsil müəssisələrinin tələbələrinin 48,5 faizi qızlardır.
Doktorantların 50,0 faizini, bütün elmi işçilərin isə 53,2 faizini qadınlar təşkil edir. Dövlət qulluğunda çalışanlar arasında qadınların xüsusi çəkisi 27,7 faiz, sahibkarlar arasında isə 19,0 faizdir. Bədən tərbiyəsi və idmanla məşğul olanların 40,2 faizi qadınlardır.
Milli Məclisdə millət vəkillərinin 15,6 faizini qadınlar təşkil edir.
Bələdiyyə üzvü seçilmiş qadınların sayı 5236 nəfərə çatıb (35,0 faiz).
Sürücülük vəsiqəsi alan qadınların sayı da ildən-ilə artır. 2005-ci ildə onların sayı 2285 nəfər olduğu halda, 2014-cü ildə 10278 nəfərə çatıb. --17D—
-
- Cəmiyyət
- 6 Mart 2015 14:39
-
- İqtisadiyyat
- 6 Mart 2015 15:18
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz