Açiq mənbələrdən foto.
Azərbaycanlılar Rusiyada ticarət əməliyyatları üçün valyuta alırlar – Rusiya Elmlər Akademiyası ekspertinin ehtimalı
Bakı/14.03.22/Turan: Martın 11-də Azərbaycan Mərkəzi Bankın valyuta hərracında dollara tələbat 9 mart hərracı ilə müqayisədə 3,7 dəfə artaraq 54,6 milyon dollar təşkil edib. Yəni 2 günə azərbaycanlı alıcılar arasında dollara tələbat təxminən 4 dəfə artıb. Bunun səbəbi nədir?
Turan bu sualı Rusiya Elmlər Akademiyasının İqtisadiyyat İnstitutunun elmi əməkdaşı Aleksandr Karavayeva verib.
O, Azərbaycandakı iqtisadi hadisələri izləyir. Rusiyaya qarşı embarqo tətbiq ediləndən sonra Aleksandr Karavayev “Meta”da xüsusilə sənaye zonalarında Azərbaycan biznesi üçün açılan imkanlar barədə yazıb: “...Azərbaycan infrastrukturunun və vergi rejimlərinin hazırlığı məsələsi, çünki Rusiyada Azərbaycan üçün daha həcmli iqtisadiyyat və birbaşa nəqliyyat imkanları var. Sumqayıt kimya-sənaye parkı daha yaxşı inkişaf edib, orda məhsulların yarısı ixraca gedir, əsas SOKAR Karbamid, SOKAR Polimer zavodu. Pirallahı sənaye parkında əczaçılıq...”
Valyutaya tələbatın kəskin artması ilə bağlı suala cavab verən Aleksandr Karavayev deyib:
- Azərbaycanda Mərkəzi Bankın hərracında valyuta alışını Ukraynadakı müharibə stimullaşdırır. Azərbaycanlılar bahalaşma və təkcə ərzağın deyil, tikinti materiallarının, məiçət texnikasının, geyimin mümkün qıtlığını gözləyir... Möhkəm valyutaya yatırım etmək istəyi var.
Rusiya və Azərbaycan iqtisadiyyatları ərzaq bazarlarının, diaspordan olan iş adamlarının inteqrasiyasında çox sıx bağlıdır. Azərbaycan Rusiyadan xeyli məhsul idxal edir və öz mallarını Rusiyaya ixrac edir. Dolların rubla nisbətdə bahalaşması tanıdığım azərbaycanlılar tərəfindən həyəcanla qarşılanır. Onlar sanksiyaların dolayı yolla Azərbaycana keçəcəyindən ehtiyat edirlər. Bu, dəqiq baş verəcək və insanlar sığortalanmaq istəyirlər. Rusiyada nağd dollar və avro qıtlığı olacaq. Həftənin sonunda Rusiya Federasiyası Mərkəzi Bankı depozit hesablarının altı ay müddətinə dondurulması haqqında qərar qəbul edib və bu müddət ərzində maksimum 10 min dollara qədər xarici valyuta verilə bilər. Rusiya Federasiyasında xarici valyuta alışına məhdudiyyət var. Məhdudiyyətlərdən müxtəlif üsullarla yan keçmək olacaq, lakin məzənnəyə təsiri olacaq. Digər tərəfdən dəmir pərdə, prezident Bayden Rusiyaya nağd dolların tədarükünə qadağa qoyub. Əvvəllər dolların gətirilməsi Rusiya banklarının sifarişi əsasında olurdu. Nəticədə Rusiya Federasiyasının qonşu ölkələrlə əvvəllər rublun dollara məzənnəsi ilə hesablanan ticarət əməliyyatları çətinliyə düşəcək. Çox şey dollara bağlı idi. İndi valyuta qıtlığıdır, valyuta ilə hesablaşmalar çətinləşib. Bu ənənəvi əlaqələri tez bir zamanda rublun məzənnəsinə, məsələn, yuana və ya qızıl məzənnəsinə uyğunlaşdırmaq mümkün deyil. Köhnə maliyyə sxemləri isə bloklanıb. Qalır vasitəçi ölkələr vasitəsilə banklararası koordinasiya imkanlarının yaradılması imkanları. Burada hər iqtisadi subyekt özünə lazım olduğu kimi edəcək.
Əgər hökumətlərarası səviyyədə yaxud Rusiya Federasiyası ilə Azərbaycanın iri şirkətləri səviyəsində hesablaşmalar rubl dəhlizi ilə aparılacaqsa, iqtisadiyyatın kiçik və orta səviyyələrində ticarət əlaqələrinin təmin edilməsi üçün kiçik və orta biznes səvyyəsində Azərbaycandan Rusiyaya dollar və avronun keçirilməsini gözləmək olar. Rusiyada azərbaycanlıların da iştirak edə biləcəyi kölgə valyuta bazarı qaçılmaz olaraq fəaliyyətə başlayacaq. –0—
-
- İqtisadiyyat
- 14 Mart 2022 12:11
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz