«Azərenerji»in reytinqi Azərbaycanın reytinqinə bağlıdır

«Azərenerji»in uzunmüddətli emitentin defoltu reytinqi «BBB-» səviyyəsindədir. Proqnoz «sabit», xarici valyuta ilə qısamüddətli EDR «F3»dir, deyə  Fitch agentliyi bildirir. Xatırladaq ki, fevralda Standard & Poor`s da belə proqnoz vermişdi.  

Qeyd edilir ki, ASC-nin borcunun 90%-i dövlət zəmanəti ilə alınıb. «Azərenerji»in reytinqi Azərbaycanın reytinqinə bağlıdır. Manatın devalvasiyası kredit qabiliyyətini azaldıb. Ötən ilin sonunda borcun 80%-i xarici valyuta ilə, əsasən avro, dollar və yapon ieni ilə olub. Amma gəlirlər manatla olub.

Ekspertlərə görə, ASC paylayıcı funksiyasını «Azərişıq» ASC-yə verib. Aktivlərin satılmasından sonra ölkə ərazisində elektrik enerjisinin generasiyası və bölüşdürülməsinin idarə olunmasına və modernləşdirilməsinə "Azərenerji" nəzarət edəcək. Ölkə üzrə elektrik enerjisinin paylanmasına isə "Azərişıq" nəzarət edəcək. aktivlərin satılması prosesi başa çatdıqdan sonra "Azərenerji" daxili bazarda əsas inhisarçı mövqeyini qoruyacaq. Bu dəyişikliklər "Azərenerji"nin müstəqil kreditləşmə qabiliyyətinə təsir edir. Agentliyin analitikləri qeyd edir ki, şirkətin pul gəlirləri 2015-18-ci illərdə 125 mln manata düşəcək (2011-14-cü illərdə 230 mln manat). «Sərbəst pul axını mənfi olacaq. Səbəb 2015-18-ci illərdə 2,6 mlrd manat kapital qoyuluşudur. İnvestisiya proqramının böyük hissəsi ləğv edilə bilər.

Ölkənin büdcəsinin vəziyyətinin yaxşılaşması müsbət reytinq hərəkətinə səbəb ola bilər.

Fitch “Azərenerji”nin likvidliyini zəif hesab edir. 2014-cü ilin sonu üçün 50 mln manat vəsait 298 mln manat qısamüddətli borcu ödəmək üçün kifayət etmədi. Qısamüddətli borcun 76%-i dövlət zəmanəti ilədir. 8%-i Maliyyə Nazirliyi verib.

“Biz gözləyirik ki, “Azərenerji”nin mənfi sərbəst pul axınına səbəb olan miqyaslı investisiya proqramı əhəmiyyətli dərəcədə yeni, o cümlədən özəl kapital hesabına maliyyələşdiriləcək. Bu, qarşıdakı müddətdə borclara görə ödəmə üçün əməliyyat pul axınını azad edəcək. Reytinq mənzərəsi müddətində “Azərenerji”nin ödəmə müddətinə görə borc strukturu 2015-2018-ci illərdə orta hesabla 240 mln manat illik planlaşdırılan ödəmə həcmlərində hər hansı əhəmiyyətli pik göstərmir. Bununla belə, mövcud kapital qoyuluşu nəzərə alınmaqla dövlət dəstəyi lazım gələcək, bu, gələcəkdə agentliyin orta müddətli perspektivdə mənfi olacağını gözlədiyi sərbəst pul axınını balanslaşdırmaq üçündür”, - deyə Fitch-də qeyd edirlər. --17D—