«Azərxalça» ASC-nin nizamnaməsi təsdiq edilib

Nazirlər Kabineti oktyabrın 4-də mayın 5-də prezidentin sərəncamı ilə yaradılan «Azərxalça» ASC-nin nizamnaməsi və strukturunu təsdiq edib. Nizamnamə korporativ idarəetmənin qabaqcıl tələblərinə uyğundur.

Nizamnaməyə əsasən, yeni dövlət şirkəti xalça və xalça məmulatlarının istehsalı, ixracı ilə məşğul olur.

Cəmiyyətin nizamnamə kapitalı 15 mln manatdır. Bir səhmin nominal qiyməti 1 manat təşkil edir. Bütün səhmlər dövlətindir. Şirkət haqda məlumatlar hələ kommersiya şəxslərin dövlət reyestrinə daxil edilməyib.  

SC-nin strukturuna onun aparatı, törəmə şirkətləri, filial və nümayəndəlikləri daxildir.

“Azərxalça” SC-nin Müşahidə Şurası İqtisadiyyat Nazirliyi tərəfindən 3 il müddətinə təyin edilən üç şəxsdən ibarətdir.

MŞ səhmdar cəmiyyətinin 1 mln manatdan artıq, amma xalis aktivlərinin 25%-dən çox olmayan öhdəliklərinə icazə verir.

SC-nin icra orqanı olan İdarə Heyəti 5 nəfərdən ibarətdir. İH-nin sədri və 2 üzvünü Azərbaycan prezidenti təyin edir, digər iki üzvü İqtisadiyyat Nazirliyi təyin edir.

Şirkətin konsolidə edilmiş maliyyə hesabatı iyunun 30-dan gec olamayaraq mətbuatda dərc edilir.

Hələlik “Azərxalça” SC-nin təsərrüfat fəaliyyəti barədə məlumat verilmir. Yalnız o məlumdur ki, dövlət vəsaiti ilə regionlarda xalça sexləri açılır. 08D