Azərbaycan Metanol Şirkəti (AzMeCo) 2014-cü ilin avqustundan 100 min ton metanol ixrac edib. Gəlirlər barədə məlumat verilmir.
Metanol Bakı, Poti və Kulevi limanları vasitəsilə çatdırılır. Satış limanlarına metanol AzMeCo-nun vaqonları ilə çatdırılır. Mal Türkiyə, Rumıniya, Sloveniya, Hollandiya və Belçikaya ixrac edilir.
AzMeCo metanolunun əsas alıcısı Britaniyanın ВР şirkətidir. Deyilən dövrdə metanol əsasən Kulevi limanlından satılıb.
Bundan başqa, AzMeCo metanol satış və daşınmasına yenilik edib. İlk dəfə məhsul Volqa-Don kanalı ilə daşınıb, həmçinin Poti və Kulevi limanlarında iri miqyaslı yüklənməsi olub.
«Metanol zavodunun tikintisi və fəaliyyəti özəl sektora dəstəyin nümunəsidir. Bu zavod qeyri-neft sektoruna ən iri investisiyalardandır», - deyə AzMeCo Direktorlar Şurasının sədri Nizami Piriyev bildirib.
AzMeCo 2007-ci ildə yaradılıb. İllik istehsal gücü 560 min tondur. Yaxın vaxtlarda onun gücü 720 min tona çatdırılacaq. Müəssisədə 440 nəfər çalışır.
Dünya bazarında metanolun qiyməti keyfiyyətindən asılı olaraq $350-$1000-dır. 08В
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz